Este venres chega ás salas comerciais o documental Frankenstein-04155, de Aitor Rei, con quen falamos en Praza hai uns meses. O filme sobre o accidente do Alvia, premiado en Cineuropa, poderá verse en 13 cidades de toda España, entre elas Compostela, Pontevedra, Vigo, A Coruña, Lugo, Ourense e Ferrol.
A TVG emite un debate electoral esta tarde ás 18:30 entre PP, PSdeG, NÓS e en Marea.
Anxo Lugilde debulla en El Progreso as fraudes do anterior modelo de voto emigrante e as deficiencias do actual, así como a necesidade de diferenciar o sufraxio dos residentes ausentes e das persoas emigradas recentemente. A demagoxia do voto exterior
PP e PSOE votan xuntos en Santiago para desprazar o alcalde da presidencia das empresas municipais nun acordo que, previsiblemente, quedará sen efecto real. Recólleo a edición local de La Voz
Hoxe, 9 de decembro, é o Día Internacional contra a Corrupción
A oposición venezolana acadou finalmente os 112 escanos que necesitaba para facerse cunha maioría cualificada na Asemblea Nacional. Esta maioría de dous terzos permitiralle promulgar leis orgánicas, reformar a Constitución ou propoñer, dentro dun ano, un referendo revogatorio para Nicolás Maduro. Maduro pide a renuncia do seu Goberno e chama ao PSUV a facer autocrítica.
InfoLibre destaca que PP e PSOE ocultan que bancos financian a súa campaña electoral
O PSOE centrou en Podemos os seus ataques na xornada de onte, posterior ao debate de Atresmedia. Tanto Pedro Sánchez como Felipe González criticaron ao longo do día á formación liderada por Pablo Iglesias
Ciudadanos quere acabar coas penas específicas por violencia de xénero, destaca eldiario.es na súa portada. O partido de Albert Rivera propón reformar a lei para rematar "coa asimetría penal por cuestión de sexo" e mesmo pide mudar a propia definición de violencia de xénero.
A Comisión Europea pon en dúbida a viabilidad do AVE, sinalando que "hai riscos significativos de que as novas liñas non xeren suficientes ingresos para cubrir os custes". Critica tamén o modelo concesional, utilizado na AP9 ou no novo hospital de Vigo, onde Estado e empresas privadas "reparten asimetricamente o risco"