Vén de comezar en Vigo a manifestación pola sanidade pública, que conmemora o primeiro aniversario da histórica marcha que o pasado ano sacou á rúa a 200 mil persoas e reitera as críticas contra as privatizacións e os recortes
Fálase
-
O PP programa un gran mitin na praza de touros de Pontevedra para o vindeiro 10 de setembro, coa intervención de Mariano Rajoy e Alberto Núñez Feijoo. Esperan reunir 10.000 persoas.
Unha investigación xornalística sinala que o líder da banda Massive Attack, Robert 3D Del Naja, podería ser o líder do colectivo que realiza as obras de Banksy
O probable ascenso da extrema dereita de Alternativa para Alemaña (AfD) marca as eleccións deste domingo en Macklemburgo-Pomerania
O Goberno tentará colocar a José Manuel Soria, que tivo que dimitir polos seus negocios en paraísos fiscais, como director executivo do Banco Mundial. Anunciouno xusto despois de rematar a fracasada sesión de investidura.
O PP de Ourense tentará impedir no Constitucional que David Rodríguez sexa candidato de En Marea. A dirección que encabeza José Manuel Baltar vén de anunciar a formulación dun recurso de amparo ante o tribunal de garantías tras desestimar a súa demanda un xulgado de Ourense.
CxG propón "substituír a Real Academia Galega por un ente independente". Así o subliñou o candidato do partido á Xunta, Xoán Bascuas, na presentación da súa candidatura pola Coruña, lista da que forma parte o escritor Xavier Alcalá, presente no acto.
Os Xulgados de Ourense desestiman a demanda presentada polo PP contra a candidatura de En Marea, permitindo polo tanto que David Rodríguez concorra como número 2. Rodríguez presentou a súa renuncia como alcalde de Manzaneda o pasado 19 de agosto e o pleno tomou coñecemento da renuncia o día 29, un día antes da publicación definitiva das listas.
VÍDEO | O BNG lanza o seu primeiro vídeo electoral, Un día con Ana, no que amosa unha xornada de traballo da súa candidata á Presidencia para "difundir as prioridades de goberno do Bloque"
O PP di que tomará "medidas" para evitar eleccións o 25 de decembro tras provocar esa coincidencia coa elección da data do debate de investidura, que remata este venres.
