24 deputados farán folga o vindeiro 29M (os de IU, ICV, Amaiur, ERC, BNG, Compromís, e Chunta). Non parecen moitos, pero son 17 máis dos que apoiaron a folga do 29 de setembro de 2010.
Fálase
O presidente d'A Mesa pola Normalización Lingüística, Carlos Callón, revela no seu blog un escrito remitido polo Sergas a un paciente que reclamou ser atendido en galego. Asinado pola supervisora de atención ao usuario do complexo hospitalario de Vigo, redactado só en castelán e con faltas de ortografía, lémbralle ao doente que "los idiomas gallego y castellano son oficiales en Galicia".
O Goberno aprobará este venres un decreto a través do cal suprimirá 27 empresas públicas, entre as cales estará a Sociedad Pública de Alquiler. O Executivo que dirixe Mariano Rajoy asegura que esta medida servirá para aforrar e adelgazar o sector público empresarial. Información de El País
O alcalde de Santiago súmase con entusiasmo ás fusións municipais ás que anima Feijóo. Conde Roa, de visita con Alfonso Rueda ás obras dos novos xulgados de Compostela, asegura que a capital galega e Boqueixón darán "boas noticias" en pouco tempo.
A eurodeputada do BNG, Ana Miranda, participou nunha comparecencia conxunta en Estrasburgo para apoiar a Declaración de Aiete, a prol da "resolución co conflito vasco". Miranda coida que é "un orgullo poder defender un futuro estable e pacífico para Euskal Herria". Xunto á parlamentaria galega estiveron Izaskun Bilbao, do PNV, Catherine Greeze e Francçois Alfonsi, dos Verdes, e Raúl Romeva, de Iniciativa per Catalunya.
Os catro concelleiros do BNG de Ribeira renuncian ás súas actas. Xosé Antón Vázquez Cobas será o novo voceiro municipal. Aínda que non formaba parte da lista electoral, a súa incorporación ao Concello poderase producir pola renuncia de varios membros da lista a substituir os edís dimisionarios.
Os traballadores de Alcoa na Coruña convocan á cidadanía a unha mobilización "masiva" para o luns 19 na Coruña con fins solidarios. O comité de empresa chama á doazón de sangue. "Que non che quiten o sangue, dóaa", anuncian.
Vén de rematar a xuntanza a xuntanza entre Mariano Rajoy e Alberto Núñez Feijóo na Moncloa. Segundo o Goberno central, Rajoy recibiu o presidente da Junta de Galicia
Morren dous mariñeiros do Morrazo na Illa de Ons cando estaban traballando. Os falecidos son, segundo as primeiras informacións, de Cangas e Bueu. Foi un buque de pesca que faenaba na zona o que deu aviso aos servizos de emerxencia. Os primeiros datos, en Europa Press Galicia
Novo record de paro en Grecia. A taxa de desemprego superou o 20% no último trimestre de 2011. O país está inmerso nunha depresión de difícil saída tendo en conta que a mala saúde das finanzas públicas, danadas polos excesos do pasado e a austeridade actual. Información de Reuters