O alcalde de Santiago súmase con entusiasmo ás fusións municipais ás que anima Feijóo. Conde Roa, de visita con Alfonso Rueda ás obras dos novos xulgados de Compostela, asegura que a capital galega e Boqueixón darán "boas noticias" en pouco tempo.
Fálase
-
A eurodeputada do BNG, Ana Miranda, participou nunha comparecencia conxunta en Estrasburgo para apoiar a Declaración de Aiete, a prol da "resolución co conflito vasco". Miranda coida que é "un orgullo poder defender un futuro estable e pacífico para Euskal Herria". Xunto á parlamentaria galega estiveron Izaskun Bilbao, do PNV, Catherine Greeze e Francçois Alfonsi, dos Verdes, e Raúl Romeva, de Iniciativa per Catalunya.
Os catro concelleiros do BNG de Ribeira renuncian ás súas actas. Xosé Antón Vázquez Cobas será o novo voceiro municipal. Aínda que non formaba parte da lista electoral, a súa incorporación ao Concello poderase producir pola renuncia de varios membros da lista a substituir os edís dimisionarios.
Os traballadores de Alcoa na Coruña convocan á cidadanía a unha mobilización "masiva" para o luns 19 na Coruña con fins solidarios. O comité de empresa chama á doazón de sangue. "Que non che quiten o sangue, dóaa", anuncian.
Vén de rematar a xuntanza a xuntanza entre Mariano Rajoy e Alberto Núñez Feijóo na Moncloa. Segundo o Goberno central, Rajoy recibiu o presidente da Junta de Galicia
Morren dous mariñeiros do Morrazo na Illa de Ons cando estaban traballando. Os falecidos son, segundo as primeiras informacións, de Cangas e Bueu. Foi un buque de pesca que faenaba na zona o que deu aviso aos servizos de emerxencia. Os primeiros datos, en Europa Press Galicia
Novo record de paro en Grecia. A taxa de desemprego superou o 20% no último trimestre de 2011. O país está inmerso nunha depresión de difícil saída tendo en conta que a mala saúde das finanzas públicas, danadas polos excesos do pasado e a austeridade actual. Información de Reuters
A xornalista Esther Palomera, colaboradora habitual de 59 segundos, asegura no seu Twitter que o programa de debate desaparece da grella de Televisión Española
Os traballadores do naval de Ferrol e Fene xa están concentrados en San Caetano despois de máis de dúas xornadas enteiras de camiño. Ás once o conselleiro Javier Guerra recibe aos representantes dos traballadores. A foto é de Rubén Cela
Núñez Feijoo xustifica o copagamento sanitario nunha entrevista na Cadena Ser: "A crise non se pode levar por diante o sistema nacional de saúde. Todo o que teñamos que facer é para asegurar o futuro do sistema. Non fagamos demagoxias. Cando un presidente autonómico toma unha decisión así non é porque sexa un malvado, senón porque a situación lle impide facer outra cousa".