O naval de Ferrol volve á rúa tras o "anuncio virtual" do ministro Montoro. Os traballadores aprobaron un novo calendario de protestas nunha asemblea.
![](https://praza.gal/media/cache/live_image/xornal/uploads/falase/foto/530ddba3f223a-armas.jpg)
O naval de Ferrol volve á rúa tras o "anuncio virtual" do ministro Montoro. Os traballadores aprobaron un novo calendario de protestas nunha asemblea.
Unha concentración rexeita ante o Concello de Lugo o asasinato de María Luisa Jiménez, última vítima da violencia machista en Galicia. No inicio do pleno do Parlamento gardouse un minuto de silencio na memoria da falecida.
El Diario lembra que só o 9,78% dos conferenciantes do Mobile World Congress son mulleres, pero que o 90% do persoal que atende os stands son mozas. O texto recupera o debate sobre a escasa presenza das mulleres nos eidos tecnolóxico e científico.
O Parlamento pide por unanimidade e a iniciativa do BNG o indulto para Carlos e Serafín, os traballadores condenados a tres anos de cárcere por participar nun piquete.
Casares Long anuncia que non se presentará á reelección como reitor da USC. Anunciouno ante o claustro da USC.
A Plataforma Sarriana polo Río esixe a comparecencia do Parlamento do conselleiro de Medio Ambiente, Agustín Hernández, para que explique as razóns polas que a Xunta desestimou en 2009 un informe técnico que desaconsellaba, pola súa ineficacia e dano ao medio, a actuación que se está levando a cabo na zona do Malecón de Sarria. A Consellería encargou un segundo informe técnico en 2010.
O MUNCYT da Coruña anima todas as persoas, especialmente os nenos, a que se presenten no Museo do sábado 1 ao domingo 9 con disfraces de elaboración propia inspirados en motivos de ciencia e tecnoloxía
O ex edil de Santiago Albino Vázquez solicita que se anulen as escoitas telefónicas que o implican na operación Pokémon. Segundo o sumario, desas escoitas tírase, por exemplo, o presunto amaño do concurso para a xestión de multas na cidade.
Todos os grupos da Deputación de Lugo acordan reclamar a estación intermodal da cidade e rexeitar a súa paralización polo Goberno central.
El Diario explica a "trampa" da medida estrela lanzada por Rajoy no debate de política xeral: a rebaixa das cotizacións sociais. Recolle tamén o máis destacado da primeira xornada desta sesión parlamentaria.