As tropas sirias están a piques de recuperar a cidade de Aleppo, da que 50.000 civís fuxiron nos últimos dous días
Fálase
El Diario conta as historias de Lina, Sidra ou Faquira, algunhas das persoas refuxiadas "moi vulnerables" para as que Madrid pactou co Goberno central o seu traslado dende Grecia. Porén, o proceso está paralizado. En xuño relatamos en Praza a súa situación e en outubro amosamos o caso de Natasha, unha muller transexual paquistaní
A Asociación Petón do Lobo denuncia que un castelo non catalogado pola Xunta en Laxe pode verse afectado pola construción dun parque eólico de Gas Natural Fenosa. O Castelo de Sueiro, construído no século XI, foi derruído no século XIV
O 9 de decembro de 1936 o franquismo fusilou en Punta Herminia (A Coruña) oito sindicalistas da fábrica de Brens opostos ao golpe militar. Estes traballadores, xunto con outros veciños de Cee e a súa bisbarra, foran delatados polo xefe da factoría (declarado fillo adoptivo da localidade), que os acusou de levar a cabo unha folga o 21 de xullo. Cóntao a CIG no seu xornal Avantar
lamarea.com debulla as actuacións recentes do goberno brasileiro non electo, que se intenta blindar ante a persecución xudicial de varios dos seus integrantes, acusados de corrupción, ao tempo que busca modificar a Constitución para limitar o gasto público.
Ingresa no hospital un neno de 11 anos ferido ao escapar polo tellado do centro de acollida de Vigo, informa Público. O psicólogo que peritou os menores, que aseguran sufrir malleiras e insultos, advirte de que existe risco de autolesións e suicidio.
Pedro Sánchez celebrará este sábado en Asturias o seu segundo acto con militantes, tralo que levou a cabo hai dúas semanas en Valencia
A crise de Monte dei Paschi di Siena (MPS) forza a Renzi a volver pensar en rescatar a banca. As entidades italianas acumulan un total de 198.000 millóns en préstamos dubidosos o fanados, o 35% en mans do MPS
Bricoking entra en concurso de acredores. Así o vén de ratificar un xulgado do mercantil da Coruña en resposta á solicitude da propia empresa galega de produtos de bricolaxe, que de agora en diante queda intervida pola administración concursal, responsable da "administración e disposición sobre o patrimonio da empresa".
En Marea lanza Medrando, o seu novo portal de participación coa vista posta na súa asemblea do 17 de decembro. O voceiro parlamentario, Luís Villares, formalizou a súa inscrición nun proceso no que, explican, quedará "decidida a participación interna de En Marea" e "fixadas as posicións políticas". "O seguinte paso será a escolla dunha nova dirección e o desenvolvemento do documento político aprobado", explican.
