Despois de 12 horas o Eurogrupo e FMI fracasan no seu intento de lograr un acordo sobre Grecia para desbloquear a axuda urxente de 31.500 millóns. O presidente do Eurogrupo, Jean Claude Junker, declarou que "sobre Europa, non estou nunca desilusionado porque xa nunca me fago ilusións".
Fálase
A Fiscalía pedirá unha fianza de 4 millóns de euros para o xenro do rei, Iñaki Urdangarín. Cóntao El País.
Convocan unha concentración de ámbito nacional en solidariedade co pobo palestino o vindeiro sábado as 13horas en Compostela. Está dirixida a persoas e colectivos e convócase dende Galiza por Palestina e BDS-Galiza, sen ligazóns con partidos politicos.
A CNMV abrirá expediente a nove entidades financeiras por mala xestión das preferentes por valor de case 6.000 millóns de euros. Seis dos expedientes correspóndense a bancos ou caixas que non valoraron a conveniencia do produto malia as esixencias legais, segundo adianta Europa Press.
A UE dá vía libre a un novo sistema de 'tax lease' para o naval galego. Máis información, esta tarde en Praza.
A data da dimisión de Esperanza Aguirre: 17.912 (17 de setembro de 2012), entre os números máis vendidos da Lotaría de Nadal
O sociólogo Carlos Neira analiza nun texto que se pode ler no seu blog a evolución do sentimento diferencial galego, que descendeu dende os máximos do periodo 93-98 (35-38%) até o actual 25%, e a súa relación co voto e estratexias dos partidos nacionalistas. Constata a recuperación deste espazo nas últimas eleccións e considera que o BNG cometeu grandes erros dende 2001 ao facer fincapé no eixo Galicia-España.
Levan aos xulgados como imputado a Pablo Herreros, o blogueiro que a través das redes sociais e dunha iniciativa en Actuable forzou a retirada dos anunciantes de La Noria por mor da emisión de contidos violentos. Tele5 acúsao de delictos de ameazas e coaccións. Herreros asegura no seu twitter que "está tranquilo"
Multan a un xornalista agredido pola Policía o 25-S en Madrid, dentro da estación de Atocha. Cóntao Cuarto Poder
O pleno municipal de Vigo aproba unha proposta do BNG para paralizar os desafiuzamentos en marcha. O PP vota en contra.
