Atendendo ás fontes presenciais, xornalistas de Radio Nacional de España e La Vanguardia tamén foron golpeados polos antidisturbios en Valencia
Fálase
Novas cargas dos antidisturbios contra os estudantes do instituto Lluís Vives, de Valencia. Houbo dez detidos e os mozos denuncian a "brutalidade" e "desproporción" da Policía. En Público.
O alcalde de Santiago compara o seu plan para levar o AVE ao aeroporto de Lavacolla co proxecto de Kennedy para chegar á Lúa. "Escollemos ir á Lúa non porque sexa doado, senón porque é difícil", asegura Gerardo Conde Roa.
O persoal de limpeza da USC protestou esta mañá na facultade compostelá de Xornalismo, onde se celebraba un acto do reitor. A CIG denuncia que, "ao igual que ocorreu a semana pasada na Casa da Balconada, a Policía estaba dentro da faculdade".
Alfonso Rueda que o PP de Galicia "incrementa o seu peso" na dirección estatal do partido e defende que o relatorio defendido por Feijóo potencia as linguas cooficiais.
Feijóo asegura, nunha visita a Retegal, que "nove de cada dez galegos teñen xa acceso pleno a Internet".
O plan de recortes aos funcionarios aprobarase no Parlamento por vía de urxencia. Quedará definitivamente aprobado o martes día 28 deste mes.
A Xunta resta importancia ao feito de que o delegado do Goberno galego en Ourense, Rogelio Martínez, acudise a un partido de fútbol a Madrid en plena vaga de lumes na provincia en outubro. Nunha resposta a unha pregunta escrita formulada polo socialista Lage Tuñas, a Xunta cre que a "breve ausencia" do delegado non supuxo un deterioro da coordinación dos servizos de emerxencia.
Este martes debátese no Congreso unha proposición non de lei (PNL) do BNG en relación ao naval galego, tanto dos estaleiros públicos como privados. O líder de Esquerda Unida en Vigo, Rubén Pérez, publica no seu blog algúns apuntamentos sobre o sector e a súa relevancia na área metropolitana da cidade olívica.
O Goberno de Mariano Rajoy vén de publicar un anuncio de licitación por case tres millóns de euros (prorrogables a cinco millóns) en servizos de publicidade. Moncloa quere facer unha campaña de "proximidade, recoñecemento e apoio ao recrutamento" das "Forzas Armadas". Está na plataforma de contratación do Estado.