O TSXG confirma unha sentenza contraria á residencia de maiores SAR Quavitae por non respectar os tempos de descanso do persoal. O alto tribunal tomba o recurso da compañía contra a sentenza en primeira instancia que gañara unha delegada de CCOO. Esta empresa xestiona catro residencias privadas da terceira idade en Galicia e forma parte do grupo Geriatros, que posúe outras 21 en todo o país.
No interior da casa okupada por Escarnio & Maldizer. Unha reportaxe fotográfica recuperada pola revista Pincha percorre o edificio do centro de Santiago antes do desaloxo do pasado martes.
O presidente da Asociación de Empresarios de Sada -Bernardo Valiño- e todo o seu equipo veñen de presentar a súa dimisión, trala polémica xerada pola publicación do artigo "La homosexualidad es pecado" escrito polo tesoureiro da entidade, Eduardo Lorenzo Martínez. Nos últimos días un número importante de socios e socias déronse de baixa da entidade ou amosaron o seu rexeitamento
A xuíza Sandra Piñeiro, o científico Xurxo Mariño e a asociación Ponte nas Ondas, premios Peña Novo á normalización do galego, concedidos pola fundación que leva o nome do histórico galeguista, impulsor do Estatuto do 36 e das primeiras formas organizadas do nacionalismo político no século pasado.
Vero Boquete volve ser subcampioa da Champions, desta volta co Paris Saint-Germain, e consolídase como a mellor futbolista galega de todos os tempos. O equipo da compostelá perdeu fronte ao Lyon na tanda de penalties tras rematar o partido sen goles. A xogadora xa gañou este torneo en 2015 co Frankfurt e lograra o subcampionato en 2014 co Tyresö.
VÍDEO | A UE advirte a Trump de que os EUA non poden abandonar de súpeto o acordo contra o cambio climático. Segundo o presidente da Comisión, Jean Claude Juncker, xa tentaron explicarllo ao presidente estadounidense "con frases curtas", pero sen "éxito".
As inscricións nas oficinas de emprego caeron un 2,44% en Galicia en maio, ata as 199.638, unha redución de 4.991. Son 20.826 menos que hai un ano. As afiliacións á Seguridade Social incrementáronse un 0,71% no mesmo período, un incremento de 6.836 persoas, o que incrementa a afiliación en 22.125 a respecto do mesmo mes de 2016. Máis información, hoxe en Praza.
Dende este venres pode consultarse en aberto o dossier de LaMarea.com sobre GasNatural, dentro do proxecto xornalístico #YoIBEXtigo, financiado por case dúas mil persoas a través do crowdfunding.
O Vello Cárcere de Lugo homenaxeou este xoves os condenados a morte polo franquismo coa lectura pública das súas cartas de despedida. O encontro contou coa presenza dun cento de persoas.
Sete concellos da área metropolitana (entre eles Arteixo, gobernado polo PP) apoian ao da Coruña fronte ao plan unilateral da Xunta de dar entrada aos autobuses comarcais ata o centro da cidade