Vén de nacer un novo medio dixital en Ferrolterra, Ferrol360. Na presentación destacouse que o xornal "sae á luz como un proxecto xornalístico libre de ataduras que aposta polo periodismo independente".
Fálase
O Tribunal Supremo ratifica que a Xunta vulnerou o dereito de folga por fixar uns servizos mínimos abusivos o paro xeral do 29 de setembro do 2009. A sentenza fai definitiva a resolución xudicial que nas instancias anteriores lle daba a razón a CC.OO. e que destacaba o prexuizo causado sobre todo na CRTVG, nos servizos educativos e no transporte escolar.
A Fiscalía Anticorrupción solicitou ao xuíz Pablo Ruz que impoña unha fianza de 28,1 millóns de euros ó extesoreiro do Partido Popular, Luis Bárcenas, en concepto da responsabilidade civil que poida derivarse do procedemento.
A Deputación de Lugo difunde un vídeo elaborado pola Fundación TIC na que persoas afectadas polo pago adiantado do material ortopédico e as próteses detallan as dificultades que trae consigo esta medida para as persoas con menos recursos.
O naval terá que devolver as axudas do tax lease, segundo acaba de anunciar Almunia nun almorzo informativo en Madrid. "O tax lease é incompatible e é necesaria unha devolución", asegurou o comisario de Competencia, que foi increpado por representantes de estaleiros españois. Máis información, nuns minutos en Praza.
O fiscal eleva a definitiva a petición de cárcere para os presuntos membros de Resistencia Galega. Demanda penas de 20 e 12 anos.
Portugal vive este xoves unha nova folga xeral, convocada por UGT e CGTP. Protéstase contra os recortes e denúncianse as declaracións de Pedro Passos Coelho, que onte afirmou no Parlamento que “o país precisa menos de greves e mais de trabalho”.
O Supremo dos EE UU declara inconstitucional a Lei de Defensa do Matrimonio, que non recoñece o matrimonio homosexual, defineo como "a unión entre un home e unha muller" e que lle nega beneficios fiscais a nivel federal.
100.000 estudantes maniféstanse en Santiago de Chile, apoiados por traballadores do cobre e portuarios, demandando "educación gratuita de calidade”. Esta fin de semana celébranse eleccións primarias.
Unha representación da conferencia de reitores esixiralle a Wert que o único requisito para repartir as axudas ao estudo sexa a renda e que non se desvíe un debate que, na súa opinión, é só económico.