O BNG apoia a campaña pola independencia de cara ao referendo en Escocia. A eurodeputada Ana Miranda móstrase favorábel a que Escocia saía do Reino Unido "para constituírse nun Estado que goberne os seus recursos e a capacidade de decidir o seu futuro".
O IPC entra en negativo en Galicia case cinco anos despois. A taxa interanual retrocedeu cinco décimas e situouse no -0,2%.
AGE exixe a paralización da mina de Cementos Cosmos e insta a Xunta a revisar a licenza municipal que lle permitiu reiniciar a actividade malia ter expedientes en contra e afectar un tramo do Camiño de Santiago e a Cova Eirós.
Maryam Mirzakhani, investigadora en xeometría e sistemas dinámicos da Universidade de Standford, gaña a Medalla Fields. É a primeira muller que obtén este recoñecemento, considerado o premio nobel das matemáticas.
A Xustiza impídelle a Adolfo Domínguez trasladar seis empregados de Ourense a Madrid. A empresa quere deslocalizar o seu departamento de vendas online, que xera importantes beneficios. "A conveniencia organizativa empresarial non é causa suficiente para non respectar un contrato", sinala o fallo
El Diario entrevista Amaia Pérez Orozco, que acaba de publicar Subversión feminista de la economía. "A organización do mercado de traballo está en íntima relación co reparto do traballo fóra do mercado, non se pode incidir nun sen incidir no outro", di
Esta madrugada faleceu Lauren Bacall aos 89 anos de idade
Industria autoriza a Repsol a realizar sondaxes exploratorias nas augas das Illas Canarias.
Os partidos soberanistas da oposición exixen a consulta o 9-N logo das dúbidas amosadas pola vicepresidenta da Generalitat.
A UPG e outras organizacións políticas homenaxearon onte a Moncho Reboiras no 39º aniversario do seu asasinato. A formación independentista apostou pola "independencia política e organizativa" nestes tempos de "confusións". Foto de Gz.foto.
