Unhas 200 persoas concéntranse contra o peche da edición galega de El País en Santiago. Entre os asistentes, Suso de Toro, Julián Hernández, Tony Lomba ou Uxía Senlle, que apoian os traballadores nunha xornada de folga no diario. Imaxe de @ignaciotouza.
Rajoy rexeita o euro por receita e agarda chegar a un acordo con Catalunya e Madrid antes de recorrer ao Constitucional. O presidente do Goberno cre que a medida supón "pagar dúas veces".
A aldea de Dixville, en New Hampshire, rexistra por primeira vez un empate entre os dous principais candidatos á presidencia dos Estados Unidos. É habitual que quen vence nesta poboación sexa quen venza os comicios. En La Información.
O PP endurece a súa estratexia contra CiU e pasa a considerar a Artur Mas un "totalitario" e "un perigo para a democracia" polas súas teses soberanistas. En El País.
As familias e empresas en quebra soben un 16,5% no terceiro trimestre. Tres de cada dez empresas en concurso estaban vinculadas ao 'ladrillo'.
Grecia esperta paralizada pola folga xeral de 48 horas contra a austeridade. Agárdase un paro masivo da actividade contra as medidas de axuste que prever aproba mañá o Goberno de Samaras no Parlamento.
Rajoy di que lle "gustaría" baixar o IRPF en 2014 e prevé que o emprego caia menos do previsto este ano. O presidente do Goberno non descartou outra suba de impostos. "Espero que non sexa necesario", asegurou nunha entrevista na Cope.
The New York Times explica nunha infografia as claves da xornada electoral deste martes nos Estados Unidos. Ainda que Romney gañe no voto popular ou se impoña nalgúns estados con resultado incerto, coma Florida ou Carolina do Norte, a Obama abóndalle con superalo en Ohio para practicamente asegurar a súa vitoria.
A Comisión Europea prevé que o PIB español caia en 2013 un 1.5%, o triple do que espera o Goberno segundo un informe que se fará público mañá pero que foi filtrado por El Pais. Atrasa a saida da crise até 2014 e eleva a previsión de déficit deste ano até o 8%
A venda legal de marihuana en Uruguai limitarase a 40 gramos ao mes a un prezo de 27 euros. Cada usuario terá unha tarxeta que controle o seu consumo e o produto pasará estritos controis de calidade.