Este venres saen á venda as entradas para o Sinsal San Simón, "o único festival que non anuncia o seu cartel", que se celebrará na illa o 24 e 25 de xullo. Este domingo comeza, ademais, o Sinsal Verán, co concerto da sorprendente Julia Holter. Será na terraza do Auditorio do Mar de Vigo, onde o 18 de xullo tamén actuará Destroyer, unha das estrelas do 2011.
Os traballadores e traballadoras do hospital e de atención primaria na comarca de Verín concéntranse para pedir o cese da Xerencia do CHUOU, por mor do traslado do Punto de Atención Continuada (PAC) de Verín para o Hospital ourensán.
Os promotores de Sortu afirman que o fallo do TC é o "triunfo verdadeiro de todo un pobo" e consideran que a sentenza debe supor "a superación definitiva do ciclo de ilegalizacións". Anuncian que en breve porán en marcha un "proceso constituínte" dende os concellos. O 30 de xuño terá lugar unha xuntanza preparatoria para a posta en marcha de novo da Udalbiltza
A deputada do PP María Seoane rexeita no Parlamento que as seleccións galegas poidan competir internacionalmente e acusa o BNG de ter "afán de converter a nosa terra no Sudán do sur". Máis información, esta tarde en Praza.
O Valedor do Pobo inicia de oficio unha investigación sobre o "presunto adestramento de menores da comunidade no uso de armas prohibidas e empregadas na práctica de determinadas artes marciais". A información, na web da institución.
#consellodaxunta Feijóo lamenta a legalización de Sortu: "mentes ETA non desapareza, as súas organizacións, que a defenden, non deberían de legalizarse". "É sorprendente que os partidos que non acatan a Constitución se acollan ao Tribunal Constitucional para seguir incumpríndoa", di.
A Plataforma das Artes Escénicas chama aos profesionais do sector e á cidadanía a concentrarse o martes 26 de xuño diante do Parlamento, coincidindo coa comparecencia de Jesús Vázquez para presentar o Plan Estratéxico do Gaiás. A Plataforma esixe "un Plan Estratéxico para a Cultura Galega"
Mauro Varela culpa do estado de Novagalicia Banco ao Goberno e evita asumir responsabilidade ningunha. Ademais, asegura que a campaña das preferentes "foi perfectamente legal". "A xente tomounas sabendo o que tomaba", di.
#consellodaxunta Luz verde ao plan de prevención e defensa contra incendios para este verán. Feijóo detalla a instalación de cámaras nos montes "como arma de control e disuasoria". Asegura que se manteñen os efectivos e se incrementan os orzamentos.
#consellodaxunta Feijóo di que o plan estratéxico do Gaiás mantén a suspensión da construción dos dous edificios pendentes. "Non hai un horizonte para iniciar novos edificios"