A unanimidade do Parlamento aproba tramitar a proposta do BNG para reformar a lei que regula as iniciativas lexislativas populares. Entre outros aspectos, contempla impedir que as ILP poidan ser bloqueadas e rebaixa aos 16 anos a idade para poder participar nelas.
A Audiencia de Barcelona anula a condena contra os editores da revista Cafeambllet por vulnerar o dereito ao honor do presidente xestor do hospital do Mar. Segundo a sentenza, a liberdade de expresión ampara o vídeo que denunciaba a opacidade e a corrupción na sanidade catalá.
O crítico e xornalista Camilo Franco comeza mañá mércores no CGAC a experiencia Queres ser arte contemporánea? coa que se quere rexistrar cal é o nivel de interpretación que os espectadores teñen respecto das obras expostas no centro. Até o 1 de marzo Camilo Franco entrevistará as persoas que o desexen, publicando diariamente estas entrevistas acompañadas dunha imaxe na súa web.
O Plan de Actuación 2014-2017 do CSIC prevé unha caída da súa produción científica e do seu persoal que o fará retroceder a niveis de 2007. Unha década de atraso.
A Asociación Cultural Alto Támega iniciou unha petición online en change.org para demandar que o castelo de Monterrei teña un uso cultural e público, fronte ao proxecto de convertelo nun Parador
A Asociación Cultural Alto Támega iniciou unha petición online en change.org para demandar que o castelo de Monterrei teña un uso cultural e público, fronte ao proxecto de convertelo nun Parador
El Diario entrevista Jordi Évole, que denuncia que "33 anos despois aínda non se poden consultar o sumario e os arquivos do xuízo do 23F"
O ex presidente do Banco Pastor está declarando xa na Coruña tras ser imputada a antiga cúpula da entidade por fraude e estafa. José María Arias non quixo facer declaracións á súa chegada aos xulgados.
Expedientan tres atletas españois por facer o saúdo nazi. Fixérono nunha festa no CSD xunto a outros deportistas.
O Goberno central volve condecorar unha imaxe relixiosa. Despois de concederlle unha distinción da Garda Civil á Virxe do Pilar, desta volta o Ministerio do Interior condecora a Nuestra Señora María Santísima del Amor, distinguida coa mesma medalla que os axentes que morreron tentando rescatar uns mozos na praia do Orzán en 2012.