A Policía Nacional leva contratos do Concello de Santiago coa empresa Cespa. A investigación instrúea un xulgado de Vigo e tamén afecta ao Concello de Ourense, ao de Ponteareas e á Deputación de Pontevedra. A operación sáldase xa con cinco persoas detidas, entre elas un concelleiro, segundo Europa Press.
Fálase
Somos ninguén traduce unha entrevista de Zoe Williams a George Lakoff publicada en The Guardian. Lakoff critica os pregresistas: “Non comprenden o seu propio sistema moral nin o dos outros, non saben sobre enmarcado, non saben até que punto a emoción é racional, tratan de agachar as súas emocións. Fan todo mal porque están mal educados. E están orgullosos desa mala educación"
Un artigo en The New York Times critica os hábitos de vida dos españois e "as ceas ás dez da noite" e propón que España se axuste aos horarios do resto de Europa, e que mude a súa hora para acompasala co sol, ao igual que no Reino Unido e Portugal.
Gizmodo entrevista o avogado Javier de la Cueva sobre o proxecto da nova Lei de Propiedade Intelectual, que cualifica de "disparate" porque, entre outras cousas, "vai deixar que unha asociación privada, CEDRO, se apropie da investigación científica nas Universidades", unha medida que xulga máis importante que a máis comentada taxa Google.
O Deportivo aclara que foi a policía quen decidiu non retirar as bandeiras filonazis que penduraban Riazor despois de examinalas. O presidente Tino Fernández asegura que se retirou a faixa a favor do aborto libre e gratuito porque "non se permiten mensaxes extradeportivas".
A Fiscalía xa traballa na denuncia da veciñanza compostelá de Galeras
Xosé Manuel Outes e Saínza Ruíz serán o candidato e a candidata de Esquerda Unida para as europeas de maio.
Inspectores de Facenda piden recuperar a vixilancia sobre as SICAV. En El Diario
O plan urbanístico de Marín deixa sen protección dous castros e o labirinto de Mogor, a cuxo carón se poderá construír. Cóntao El País.
Entrique Dans realiza unha dura crítica da reforma da lei de propiedade intelectual e denuncia a "alucinante componenda do goberno español cos medios". Dans afirma que a reforma "está pensada, por riba de todo, como unha maneira segura de entregarlles cartos" aos medios de AEDE a través dunha sociedade de xestión.