Gizmodo entrevista o avogado Javier de la Cueva sobre o proxecto da nova Lei de Propiedade Intelectual, que cualifica de "disparate" porque, entre outras cousas, "vai deixar que unha asociación privada, CEDRO, se apropie da investigación científica nas Universidades", unha medida que xulga máis importante que a máis comentada taxa Google.
Fálase
O Deportivo aclara que foi a policía quen decidiu non retirar as bandeiras filonazis que penduraban Riazor despois de examinalas. O presidente Tino Fernández asegura que se retirou a faixa a favor do aborto libre e gratuito porque "non se permiten mensaxes extradeportivas".
A Fiscalía xa traballa na denuncia da veciñanza compostelá de Galeras
Xosé Manuel Outes e Saínza Ruíz serán o candidato e a candidata de Esquerda Unida para as europeas de maio.
Inspectores de Facenda piden recuperar a vixilancia sobre as SICAV. En El Diario
O plan urbanístico de Marín deixa sen protección dous castros e o labirinto de Mogor, a cuxo carón se poderá construír. Cóntao El País.
Entrique Dans realiza unha dura crítica da reforma da lei de propiedade intelectual e denuncia a "alucinante componenda do goberno español cos medios". Dans afirma que a reforma "está pensada, por riba de todo, como unha maneira segura de entregarlles cartos" aos medios de AEDE a través dunha sociedade de xestión.
O grupo Véndex asegura que "xamais" pagou cantidade ningunha para facerse con contratos públicos. A empresa considerada pola investigación da Pokémon como centro da trama corrupta atribúe parte das acusacións a un "ex socio" por "intereses mercantís". Faino nun comunicado que recolleu Europa Press.
Xa se coñecen os autores e obras finalistas dos Premios da Edición, organizados pola Asociación de Editores e que se entregarán o vindeiro 21 de marzo no Liceo de Betanzos.
Materia fai un percorrido histórico pola lexislación e os debates a favor e en contra do aborto, dende Persia ou a Grecia e Roma clásicas, onde o aborto era unha práctica normal e socialmente aceptada.