O diario Cinco Días publica hoxe que o acordo entre Novagalicia Banco e os fondos de investimento está case pechado. Non especifica a contía do capital que os investidores institucionais estarían dispostos a meter na entidade que preside José María Castellano. A poxa é a única saída de NGB se non logra capital.
Fálase
'The Godfather' (O Padriño) celebra hoxe o seu aniversario. A triloxía, dirixida por Francis Ford Coppola e protagonizada por Marlon Brando, tivo a súa estrea o 15 de marzo de 1972.
Beberías un refresco sabendo que para queimar as súas calorías tes que correr 20 minutos? Marcos Guimarey recibiu esta mañá o premio do I Concurso de Iniciativas Saudables Campus ConVida, da Universidade de Vigo, grazas ao seu Proxecto Pegadas, unha iniciativa que propón a colocación estratéxica de adhesivos con información de utilidade e impactante sobre hábitos de vida non beneficiosos para a saúde.
A entidade que preside José María Castellano simplifica tamén a súa imaxe de marca para o caso da matriz, Novagalicia Banco. Na nota de prensa remitida sobre o acordo cos sindicatos, do que xa informou Praza, múdase o logo de Novagalicia para substituílo polo de NCG Banco. Desaparece a cor azul e a palabra 'Galicia', que só aparece no correo electrónico dos responsables de prensa.
Un ano despois da entrada en vigor en Portugal da Lei da Identidade de Género, que permite alterar o nome e o sexo no rexistro civil, un total de 78 persoas realizaron estes cambios. Máis información no Diário de Notícias.
#debateautonomía #debatenación Ás 18:00 reanúdase o debate de política xeral co debate das propostas de resolución dos grupos. Antes contarémosvos en Praza as iniciativas máis destacadas de PP, PSdeG e BNG.
O deputado do BNG no Congreso, Francisco Jorquera, lembrouse dos traballadores que marchan desde Fene a Santiago pola supervivencia do sector naval. O nacionalista reclamou a Mariano Rajoy unha postura "firme" en Europa. O presidente do Goberno asegura que é "consciente" do problema e que están á espera da Comisión sobre a proposta alternativa ao tax lease remitida desde Moncloa.
A deputada do BNG no Parlamento Europeo, Ana Miranda, reclamou á Comisión Europea unha “resposta urxente” ao sector naval galego cunha alternativa de incentivos fiscais ao suspendido tax lease. O sector do naval galego "está nunha situación agónica, paralizado, sen poder pechar novos contratos de construción de barcos, esperando desde fai meses a que a Comisión Europea dea unha resposta alternativa e satisfactoria aos estaleiros", defendeu Miranda. O Bloque apoiará as mobilizacións do sector, tanto as que se fagan en Galicia como en Bruxelas.
Este xoves haberá outra concentración convocada polos afectados das preferentes de Novagalicia Banco. O acto de protesta terá lugar diante da sede central da entidade en Vigo, na rúa Colón, entre as 17 e as 19:00 horas. Sairán autobuses de Cangas, Bueu e Morrazo. A imaxe é dunha concentración no Rosal, onde se calcula que o 75% dos depósitos a prazo fixo son, en realidade, imposicións a prazo: preferentes.
Pontevedra suspende a pasarela de moda Pontus Veteris despois de 28 edicións consecutivas. A Cámara de Comercio pontevedresa, que organiza o evento, viu reducido o seu orzamento nun 30% no último ano. El País Galicia ten a información