A ONU analiza o conflito de Siria nun contexto de tensión entre EE.UU. e Rusia, motivado polos ataques estadounidenses ao exército sirio e polo recente bombardeo a un convoi humanitario.
Fálase
ElDiario analiza o intercambio de mensaxes entre Pablo Iglesias e Íñigo Errejón sobre a estratexia de Podemos iniciado co discurso de Iglesias na Coruña
As mulleres só presiden unha de cada catro comisións do Congreso e o Senado, nas que os voceiros de cada grupo tamén son maioritariamente homes.
O foro independentista Galiza em pé emite un manifesto para anunciar a "decisión colectiva" de apoiar o BNG nas eleccións do 25S. Pódese consultar nesta ligazón
O conselleiro de Economía asiste a un acto propagandístico da base de drons de Rozas organizado por Indra. A Xunta non o incluíu na súa axenda pública nin emitiu nota de prensa, xa que está prohibido en campaña, pero diversos medios públicos e privados fixéronse eco.
Lucas Gortazar e Jesús Rogero analizan nesta entrada de Politikon a situación de segregación social do alumnado que sofre a educación na Comunidade de Madrid e apostan por unha maior dotación de recursos para o estudantado que provén de espazos máis empobrecidos
Brigadistas da empresa pública Seaga, que este luns se manifestaron en Compostela para demandar estabilidade laboral e unha nova política de prevención e extinción de lumes, permanecerán acampados fronte á sede da Xunta en San Caetano ata o venres
Un incendio arrasa o centro de acollida de refuxiados de Moria, en Lesbos, obrigando a evacuar decenas de persoas
O Tribunal Constitucional rexeitará nos vindeiros días varios aspectos da reforma da institución, impulsada polo PP para actuar contra a Generalitat e o parlamento catalán, revisando á baixa as capacidades sancionadoras que lle foron atribuídas
A Facultade de Xornalismo da USC acolle esta tarde ás 17 horas un debate sobre as propostas electorais en materia cultural e audiovisual, organizado pola Academia Galega do Audiovisual, no que participarán representantes de PP, PSdeG-PSOE, EnMarea, BNG e Ciudadanos. Mañá mércores ás 13 horas a Facultade de Filoloxía da UDC acolle un debate sobre Política Lingüística e Cultura, con representantes de PP, PSdeG-PSOE, EnMarea e BNG