A Marea Atlántica apoia pedir o voto para En Marea e o seu nivel de participación na coalición queda pendente dun "maior coñecemento" do proceso de confluencia. A Rede da plataforma desbotou propoñer nomes para a lista da candidatura na Coruña.
Fálase
-
- O grupo do BNG concéntrase ante o Parlamento para esixir a dimisión de Baltar antes de que o restovde grupos cuestionen a Feijóo pola denuncia contra o presidente da Deputación de Ourense, xa que o Bloque non pode participar nesa sesión. Toda a información, hoxe en Praza.
Pilar Rojo será a número tres na candidatura do PP ao Congreso por Pontevedra, polo que abandonará a presidencia do Parlamento galego.
Cavaco Silva segue sen dar pistas sobre que posición tomará á hora de encargar a formación dun novo goberno en Portugal. Este mércores reúnese co cesado primeiro ministro Passos Coelho e co presidente da Assembleia da República, o socialista Eduardo Ferro. Luns e martes da semana que vén ten programada unha visita a Madeira, o que podería adiar o proceso.
Pintan mensaxes machistas ("Stop Feminazis ou "Juzgado Feminazi") ao redor dos xulgados de Violencia sobre a Muller de Madrid. Nos últimos días tres mulleres foron asasinadas polas súas parellas ou ex parellas, 48 no que levamos de ano.
Artur Mas non logrou a súa reelección na primeira votación de investidura. O xoves volverá someterse a votación, aínda que a CUP xa anunciou que non o apoiará en ningún caso. CDC incrementa a súa presión sobre a CUP e volve ameazar con deter o proceso independentista.
Fin do goberno da dereita en Portugal. A Assembleia da República aproba a moción de rexeitamento ao programa de Passos Coelho e abre a porta ao goberno do PS apoiado por Bloco de Esquerda, PCP e Verdes. Está a contalo Público.
A piques de rematar no Parlamento portugués o debate do programa de goberno, a cuxa fin se votarán a moción de rexeitamento contra o goberno da dereita, pactada polas forzas de esquerda que apoiarán o socialista António Costa como novo primeiro ministro. A RTP está a ofrecer o debate ao vivo.
TVE pide desculpas pola "delicadeza" coa que tratou a figura de Franco nunha entrevista que o cantante Bertín Osborne lle fixo á neta do ditador no seu programa da canle pública.
Pachi Vázquez cre que Besteiro "non está en condicións de presentarse ás eleccións". "Eu son tanto ou máis inocente ca el e marchei para a casa", di na Radio Galega.