O Consello Científico de ATTAC denuncia que as políticas desenvolvidas polo PP supoñen "unha ameaza contra a democracia". A través dun manifesto acusa o Goberno do desmantelamento do Estado de Dereito, da represión policial, da eliminación dos dereitos humanos das mulleres e da desigualdade na distribución da renda.
Fálase
Materia lembra un curioso episodio da historia da censura da televisión en España. En 1971 un cura católico, asesor de RTVE, vetou a exposición das teorías evolucionistas ante as cámaras e castigou Félix Rodríguez de la Fuente por mencionalas.
O PP vén de rexistrar a súa proposta para recortar o Parlamento. Toda a información, hoxe en Praza.
As Novas Xeracións do PP desmárcanse das declaracións nas que algúns dos seus membros se amosaban críticos coa contrarreforma da lei do aborto e din que defenden "o dereito á vida, como sempre fixemos".
O PP perdería once puntos pero volvería gañar as eleccións, segundo unha enquisa de El Mundo. Os conservadores sacaríanlle nove puntos ao PSOE, que cae a un mínimo histórico. IU e UPyD continúan o seu ascenso. En Cataluña, un triplo sorpasso é posible segundo di Ara.
A empresa Xacovisión vólvese facer cos servizos de xestión publicitaria da CRTVG para Galicia por 389.000 euros. Segundo a propia empresa, a venda de anuncios para os medios públicos e o único negocio ao que se dedica.
O parlamento israelí podería votar por primeira vez a solución de dous estados, nunha moción presentada polos laboristas e que só contaría co apoio do partido pacifista Meretz, nunha cámara dominada polos partidos conservadores e ultras.
Unha reportaxe de El Diario destaca a influencia crecente das redes sociais e os medios alternativos no Brasil, visible por exemplo na organización de protestas contra o Mundial de Fútbol
Audasa redondea á alza a suba prevista das peaxes, subindo até os 15,35 euros entre Vigo e A Coruña, tres céntimos máis do anunciado inicialmente, e aplicando polo tanto un incremento superior ao 1,85% anunciado