O PP podería conservar os gobernos da cidade e a comunidade de Madrid, co apoio de Ciudadanos, segundo a enquisa que hoxe publica El País. Na capital gañaría con 22 concelleiros, por 15 de Ahora Madrid, e 10 de PSOE e C'S. Na asemblea rexional dominaría con 36 deputados, por 29 de PSOE e C's, 28 de Podemos e 7 de IU.
Fálase
Yolanda Díaz pide "respecto" e "talante" a Feijóo tras as súas críticas a Beiras. A vicevoceira de AGE reclama "elegancia" ao presidente da Xunta, que acusou o líder de Anova de ir ao Parlamento "só a cobrar".
A CIG maniféstase tamén nas sete cidade e en catro vilas, baixo o lema Contra a pobreza, emprego e Salarios Dignos. Na imaxe, a cabeceira da súa marcha en Vigo.
Xa están en marcha as manifestacións do 1º de Maio en todas as cidades galegas, acompañadas da chuvia na maior parte do país. Na imaxe, a marcha convocada por UGT e CCOO en Vigo.
O Concello de Ferrol viviu este xoves un intenso derradeiro pleno da lexislatura, con numerosas críticas da oposición e a intervención dos traballadores do naval, que demandaron o apoio á manifestación convocada para o vindeiro 10 de maio e reclamaron a construción do dique de reparacións.
Medio cento de ultras irrompen no adestramento do Deportivo para falar cos xogadores, aos que dedicaron cánticos e criticaron durante toda a sesión. Lucas Pérez e Álex Bergantiños tentaron mediar con eles. O equipo coruñés xoga este sábado ante o Villarreal un partido clave na súa loita pola permanencia.
Juan Carlos Monedero explica as razóns da súa dimisión a través dun texto escrito no seu blog, "Para o meu amigo Pablo". "Deixei os cargos de dirección de Podemos cunha soa intención: empurrar con moita máis forza este proxecto", di.
O 30% dos gandeiros galegos xa venden o leite a 20 céntimos polas ameazas da industria, salienta La Opinión. Os contratos con prezos un 33% máis baixos que os custes de produción triplícanse nunha semana e os sindicatos denuncian pagos mesmo máis baixos
El Diario relata nunha reportaxe, "David contra Goliat: os avogados que vencen ás grandes empresas", a experiencia dos letrados laboralistas vinculados a sindicatos e que se enfrontan nos tribunais a grandes bufetes como Sagardoy, Garrigues ou Cuatrecasa
A Comisión de Festas do Barrio de San Pedro difunde polas redes sociais o vídeo Gandalf vs. Agustín Hernández, en denuncia dos obstáculos postos polo concello á organización da Feira da Primavera #BarrioConLuzPropia #QueremosFestas