#eleccións21O Esperanza Aguirre reaparece en Vigo. O seu primeiro acto público tras dimitir da Presidencia da Comunidade de Madrid é para apoiar a candidatura de Alberto Núñez Feijóo. (Foto: @JaviDorado)
Fálase
-
Comezan en toda Galicia as manifestacións estudantís contra os recortes e a reforma educativa. Celébranse en máis de vinte vilas e cidades do país. Imaxe de @cesarsantisoeu
Preséntase mañá xoves a Alianza Social Galega. Será nun acto na sede do Mupega ás 12 en Santiago, onde se dará a coñecer a unión neste colectivo de máis de 60 organizacións sindicais e sociais galegas.
A Fiscalía rexeita a suspensión do xuízo do Prestige pola ausencia da armadora ao entender que a incomparecencia obedece a un intento de "evitar ser enxuizada polos tribunais españois". A suspensión fora solicitada polo avogado do capitán do petroleiro, Apostolos Mangouras.
As polítícas de austeridade e o rescate levarán este ano a economía portuguesa a caer case un 3% no seu terceiro ano de recesión.
Os sindicatos europeos preparan xa unha folga xeral na UE o vindeiro 14 de novembro. Faríana coincidir así co paro convocado xa en Portugal e na data que pretenden as centrais estatais.
Un coronel do Exército pide que se declare o estado de guerra en Catalunya. Leopoldo Muñoz Sánchez, presidente da AME, pide deter así o "proceso separatista" nunha entrevista nunha canle holandesa.
Alertan contra as negociación de CETA (Comprehensive Economic and Trade Agreement), un tratado que poderia aprobar a UE e que inclúe sancións e criminaliza o feito de compartir arquivos dixitais sen ánimo de lucro ou facer remixes
A ONG Acción contra el Hambre denuncia "a ditadura da fame" a través dun video inspirado en O Gran Ditador. A entidade alerta de que 10 mil nenos morren cada día por mor da desnutrición.
Traballadoras de Alfageme en Ribadumia péchanse no Concello de Vilagarcía para esixir a venda inmediata da fábrica