A Xunta interporá un recurso nos xulgados contra a constitución da Área Metropolitana de Vigo. Baséase no incumprimento do convenio de incorporación do bus urbano no plan metropolitano do transporte, argumenta que xa empregara o PP para intentar paralizar a formalización do ente.
O Consello da Avogacía Galega denuncia a xuíza Pilar de Lara ante a Fiscalía do Estado por vulneración do segredo profesional. Cóntao El Progreso
Detidos dous homes en Vigo e Santiago por incumpriren as ordes de afastamento das súas ex-parellas. A Policía Autonómica púxoos a disposición xudicial e deu conta á Fiscalía, segundo informa nun comunicado.
Os concellos ultiman as cabalgatas de reis desta tarde. Consulta nestas ligazóns os percorridos que realizarán nas sete cidades, con estas horas e puntos de inicio
Trillo pedirá ingresar no Consello do Estado, órgano que o responsabiliza do accidente do Yak-42 durante a súa etapa como ministro de Defensa. Acábao de anunciar na Cadena COPE, onde se queixou das críticas dos familiares das vítimas.
Os concellos limitarán a altura dos cerrumes das fincas e regularán o material da construción. Os concellos regularán nos seus plans municipais as características dos peches para que se adapten á contorna.
O comité de empresa de Elnosa, empresa química ligada a ENCE, maniféstase contra o BNG ante a súa sede para esixir a continuidade da factoría á beira da ría de Pontevedra. A Xunta prorrogou a autorización ambiental da compañía durante a campaña electoral galega para evitar ter que activar o trámite de fin da súa actividade. (imaxe: BNG)
Persoal de varios hospitais galegos, como o Montecelo de Pontevedra ou o de Ourense, denuncia o "colapso" dos seus servizos de urxencias por mor do pico da gripe.
O goberno de Lalín promove declarar "persoa non grata" a Federico Trillo tras o ditame do Consello de Estado que responsabiliza a Defensa do accidente do avión Yak-42. Un dos 62 militares falecidos no sinistro, lembra, era Vicente Agulló, veciño de Lalín. A proposta debaterase no pleno municipal a través dunha moción.
O paro rexistrado sobe en Galicia en 2.360 persoas en decembro e as afiliacións á Seguridade Social descenden en 4.800, fronte á importante baixada do desemprego da historia que se dá no Estado, onde cae en case 87.000 persoas en decembro e onde o número de cotizantes sobe en 68.000. Máis información, esta mañá en Praza.