División ideolóxica nas portadas. A prensa impresa conservadora afirman que a folga "fracasou": De fracaso en fracaso (El Mundo), España prefiere trabajar (ABC), Huelga limitada (La Vanguardia), Fracasados (La Razón) ou Balance del 14-N: La izquierda sólo logra movilizarse a si misma (La Gaceta). Mentres, El Pais titula que "Cientos de miles de personas exigen en la calle a Rajoy que rectifique" e El Periódico abre a dobre páxinca cun "Muy general".
Están sendo moi criticada na rede a estimación de participación na manifestación de Madrid realizada pola Delegación do Goberno: 35.000 persoas. Menos, por exemplo, que o número de manifestantes que segundo a policia local houbo en Ferrol: 45.000
"Se o Goberno se axeonlla ante estas políticas de recorte, o pobo permanecerá en pé", di Cándido Méndez no peche da manifestación de Madrid e salienta que "cumprimos sobradamente os obxectivos". Pola súa banda, Ignacio Fernández Toxo afirma que "a mobilización continuará"
O alcalde da Coruña recoñece en Twitter que recibiu "moitas mensaxes" polo mantemento do alumeado público aceso durante a xornada de folga e pide "desculpas polas molestias". Asegura que se debeu a "comprobacións e reparacións".
Centos de milleiros de persoas maniféstanse en Madrid, ainda sen cifras oficiais. En Barcelona os organizadores falan dun millón de persoas na marcha principal e a policia urbana rebaixa esta cifra até as 110.000.
Comeza a manifestación en Madrid baixo o lema Déixannos sen futuro. Hai culpables. Hai solucións
En Portugal a folga foi xeral na industria e nos transportes. "Fizemos uma grande greve geral", di Arménio Carlos (CGTP) nunha intervención diante do Parlamento, e anuncia que lle vai entregar a Cavaco Silva unha lista de medidas previstas nos Orzamentos do Estado para 2013 que considera inconstitucionais
A concelleira de Familia do Concello de Santiago vén de sinalar no seu Twitter que se sente "secuestrada" nun establecemento do grupo Inditex no centro da capital de Galicia, pechado pola presenza de piquetes informativos
ElDiario publica unha galeria con imaxes de farolas acesas en pleno dia durante este 14N. Moitos concellos gobernados polo PP quixeron desta forma manipular os datos de consumo eléctrico, que se empregan como indicador do éxito da folga.
Axentes de policia infiltrados nunha manifestación en Barcelona son descubertos e foxen do lugar.