Xulio Ferreiro e Carlos Negreira manteñen arestora o seu primeiro encontro tras as eleccións no Pazo de María Pita. O PP coruñés está a ralentizar o traspaso de poderes á Marea Atlántica cara á constitución da nova corporación, o vindeiro 13 de xuño.
O paro descende en maio en España en 117.985 persoas, 34.817 en termos desestacionalizados, incrementándose a afiliación á Seguridade Social en 213.015 novos e novas cotizantes. En Galicia o desemprego cae en 7.780 persoas, ata as 236.981, con 7.880 afiliados e afiliadas máis. Toda a información, esta mañá en Praza.
Unha campaña da organización WaterAid pregúntase "que pasaría se os homes tivesen a regra?" para denunciar que millóns de mulleres non teñen acceso a un aseo durante a súa menstruación e critica que o período siga sendo un tabú. "Se os homes menstruasen, non sería algo vergonzoso", engaden.
O Concello de Ferrol deixará de subvencionar as confrarías para a celebración da Semana Santa, adianta Jorge Suárez, cabeza de lista de Ferrol en Común e futuro alcalde. Engade que paralizará "obras superfluas" e renegociará o recente acordo con Defensa que implicaba a construción de medio milleiro de vivendas e unha superficie comercial.
O PP apraza o traspaso de poderes na Coruña malia non contar con apoios para formar Goberno. Dirixentes do partido na cidade aférranse á ventaxa de 28 votos con respecto á Marea Atlántica e afirman que tentarán constituír un Executivo
A patronal das autoestradas rexeita ubicar cobradores en todas as peaxes, 24 horas ao día, como lle esixe Fomento, e defende que ningunha lei ou contrato lles impide utilizar sistemas de cobro automático
200 traballadores e traballadoras de Adolfo Domínguez manifestáronse este luns en Ourense para protestar contra o ERE que propón a empresa, e que afecta a 144 empregados, xunto co traslado a Madrid doutros 21 postos.
Antiviolencia abre expediente informativo aos promotores dos asubíos ao himno de España durante a final da Copa do Rei en Barcelona e remite os feitos á Fiscalía Xeral do Estado, ademais de pedir máis información. O Goberno considera de "extrema gravidade" os apupos do Camp Nou.
O PP quere cambiar a lei para castigar os asubíos ao himno de España. "Non entran na liberdade de expresión", di Carlos Floriano, vicepresidente da formación conservadora. A Comisión Antiviolencia reúnese hoxe para estudar sancións tras os apupos ao himno na final de Copa.
Os concellos comezarán a lexislatura cun recorte de fondos, ao ter que devolver 35 millóns de euros a Facenda a partir do 30 de xuño en base a entregas a conta excesivas. Os cálculos do Ministerio conclúen unha liquidación negativa para o 80% das entidades locais.