Varios centos de persoas acudiron esta tarde ás dez concentracións convocadas polo BNG para "denunciar" a "gran estafa" que, din, supón o rescate bancario. A CIG tamén vén de convocar mobilizacións para este venres e unha manifestación para o 1 de xullo. Na imaxe, a mobilización da Coruña.
Esta tarde faleceu Bernardo García Cendán, sociólogo, educador, crego e un dos principais impulsores de Encrucillada e Irimia.
Bronco debate no Parlamento sobre a Lei de Dependencia. A conselleira de Benestar, Beatriz Mato, espétalle ao PSdeG que "aínda que fosen a Lourdes camiñando ata 2014 non lles chegaría para pedirlles desculpas aos galegos" porque "teñen moitas culpas que expiar".
O ex director de The New York Times, Bill Keller compara nun artigo a Mark Zuckerberg e a Rupert Murdoch, polas violacións da privacidade realizadas polas empresas dun e doutro
A empresa galega Cilenis lanza as versións para móbil dos seus conxugadores verbais de español e portugués, que se unen ao Conxugalego, xa dispoñible para Android
Batalla campal entre mineiros e antidisturbios da Garda Civil, que tiveron que intervir en varias zonas para garantir a circulación polas estradas. Vídeo de La Nueva España.
Fitch rebaixa o 'rating' de 18 bancos españoles logo de baixar a nota do Santander e de BBVA.
O deputado de ERC, Alfred Bosch, desprega unha bandeira independentista catalá no Congreso durante o debate para prohibir as asubiadas aos símbolos españois nos acontecementos deportivos.
O bono español a dez anos acada o seu interese máis alto dende 1997, o 6,8%, mentres que a prima de risco chega a 543 puntos básicos. Merkel aclara que o rescate á banca española "por suposto que ten contrapartidas".
Esta fin de semana celébrase en Pontevea (Teo) a segunda edición das Olimpiadas Populares Galegas. Participarán 196 atletas, en 17 equipos, nun total de 14 probas: salto de lonxitude, pentasalto, carreiras de 100 m, 4x100 m e 5.000 m, triatlón, tiro con arco, tiro de sacho, billarda, voleibol, brilé, tiro de corda e chave.
