ÚLTIMA HORA | Condenado o alcalde de Vilariño de Conso, Ventura Sierra (PP) a sete anos de inhabilitación por prevaricación na contratación de 29 persoas no Concello para a extinción de incendios e axuda a domicilio. Tamén estaba acusado de falsidade, delito do que foi absolto. O caso fora levado á Fiscalía polo PSdeG e o grupo independente Aivic, coaligados neste municipio.
O Banco de España cifra en 60.613 millóns de euros os cartos non recuperados do rescate bancario. Uns 8.000 millóns corresponden a Novagalicia Banco, entidade resultante da fusión de Caixanova e Caixa Galicia. O informe completo do regulador pódese consultar nesta ligazón.
VÍDEO | O PP marcha do pleno de Santiago por pedir o alcalde unha quenda adicional do BNG para aclarar un punto da moción que viña de presentar. A irada protesta dos conservadores foi retrucada por Martiño Noriega e mais polo voceiro do PSdeG, Francisco Reyes, a cuxo xuízo esa intervención adicional si encaixaba no regulamento municipal. O acontecido, a partir do minuto 1:20:00 da gravación da sesión.
A xuíza no ve delito na ocupación da antiga Comandancia de Obras da Coruña e conclúe que é "tolerada" polo Goberno de España e mais polo Concello. Cóntao La Opinión
O voceiro municipal de Lugonovo deixa a corporación municipal lucense. "A esquerda non asumiu a responsabilidade que debera", di Santiago Fernández Rocha nunha entrevista con El Progreso.
4 dos 5 concelleiros do BNG en Monforte abandonan a formación por discrepancias co Consello Local sobre a participación nunha protesta contra a reforma do Hotel Comercio e o seu uso como sede do Consorcio de Turismo e albergue de peregrinos
As temperaturas chegarán este venres aos 38 graos en Ourense e aos 34 en Vigo e Pontevedra, manténdose por debaixo dos 30 no norte de Galicia. Os valores mesmo aumentarán o sábado e o domingo, acadando os 40 graos na provincia ourensá.
Adriana Lastra será a vicesecretaria xeral do PSOE e José Luis Ábalos o secretario de Organización. Patxi López estará na Executiva do partido, da que Óscar Puente, alcalde de Valladolid, será o portavoz.
O Eurogrupo desbloquea 8.500 millóns máis para o rescate de Grecia. Desa cantidade, 5.600 millóns destinaranse ao pagamento da débeda
O Concello de Lugo retira a placa franquista que permanecía no colexio público Manuel Mallo, en Nadela. O goberno local cumpre así un acordo do pleno que, lembra, implica tamén "solicitudes a outras administracións para que eliminen símbolos franquistas" nos seus edificios na cidade, caso por exemplo do instituto Lucus Augusti.
