"Se a reforma laboral estivese vixente nos últimos anos, non se terían perdido tres millóns de empregos", asegura Mariano Rajoy, durante a sesión de control ao Goberno.
Fálase
O ministro de Exteriores, García Margallo, confirma na sesión de control ao Goberno que España votará mañá a favor do ingreso de Palestina na ONU como membro observador "por coherencia e porque cremos que é o mellor para aproximarnos á paz".
O PP rexeita no Congreso que as mulleres maltratadas esteas exentas de pagar taxas xudiciais. Os populares votaron en contra dunha proposta socialista.
Continúan as protestas en Exipto contra o presidente Morsi e a acumulación de poderes que busca coas súas últimas medidas.
Os últimos datos do Gran Colisor de Hadróns suxiren que as colisións poderian estar producindo un novo tipo de materia.
Unha concelleira de CiU en Barcelona pregunta a través da súa conta de twitter se o voceiro das CUP, David Fernàndez, irá ao Parlamento "cos cans e as flautas".
Duran i Lleida di que a consulta deixou de ser un tema prioritario: "A consulta pode facerse dentro de un, dous, tres, catro anos pero pasado mañá hai que tomar decisións no Goberno".
Europa aprobará hoxe os plans para a reestruturación das entidades bancarias nacionalizadas, entre elas Novagalicia. O banco non foi subastado e terá cinco anos para realizar axustes e buscar investidores antes da súa venda.
Unha sondaxe da revista Temas, que preside Alfonso Guerra, rebaixa a 2,5 puntos a distancia entre PP e PSOE, que só sumarían o 60% dos votos, ao redor do 30 por cento cada un. IU roldaría o 12% e UPyD o 8%.
El Diario conta que un descoñecido lle entregou a ICV a información que permitiu a investigación de Sabadell na que están imputados o alcalde da cidade e o secretario de organización do PSC. Días despois da entrega, uns ladróns entraron na sede de ICV e roubáronlle todos os documentos pero a formación de esquerdas gardara unha copia