Os principais equipos galegos de baloncesto regresan á competición esta fin de semana. O Obradoiro comeza a temporada da ACB este sábado ante o Zaragoza no Fontes do Sar. Na LEB a campaña inaugúrase co derbi Breogán-Ourense e o Básket Coruña enfróntase ao Sammic en Gipuzkoa. Na Liga Feminina 1 o Universitario Ferrol comeza ante o Mann Zaragoza.
Milleiros de persoas maniféstanse en Vilagarcía contra a lei sanitaria da Xunta que prevé eliminar a área do Salnés. Recólleo Pontevedra Viva (imaxe: CC.OO.)
Portugal vive hoxe a xornada de reflexión previa ás eleccións municipais deste domingo. O xornal Público debulla o contexto políticico no que se celebran as Autárquicas 2017
Organizacións ultracatólicas intensifican os ataques ao papa Francisco e cualifícano de "herexe" publicamente. Unha reportaxe de Jesús Bastante
Falece aos 95 anos o emblemático fotógrafo coruñés Alberto Martí, que encabezaba a Cociña Económica da cidade. Recólleo La Opinión
Veciñanza e familias comezan a ocupar colexios en Catalunya para tentaren impedir que sexan pechados para evitar o referendo.
O major dos Mossos ordena desaloxar os colexios cataláns antes das seis da mañá do domingo e facelo sen violencia. Indícao nunha instrución sobre o referendo á que tivo acceso Catalunya Plural
Fomento adía como mínimo ata 2019 a solución á néboa da A-8, inaugurada en 2014. O ministerio asina aínda agora un convenio co de Economía para financiar probas de prototipos a próxima primavera e elixir o invento que implantará na zona non antes da temporada de néboas de 2019.
O Govern da Generalitat presenta as urnas que pretende empregar no referendo do 1-O. Unha delas foi amosada na comparecencia na que Junqueras, Turull e Romeva presentaron o dispositivo da consulta, celebrada no centro de prensa aberto pola empresa Mediapro, na que os medios deben pagar para poder ter acceso.
