Fomento adía como mínimo ata 2019 a solución á néboa da A-8, inaugurada en 2014. O ministerio asina aínda agora un convenio co de Economía para financiar probas de prototipos a próxima primavera e elixir o invento que implantará na zona non antes da temporada de néboas de 2019.
O Govern da Generalitat presenta as urnas que pretende empregar no referendo do 1-O. Unha delas foi amosada na comparecencia na que Junqueras, Turull e Romeva presentaron o dispositivo da consulta, celebrada no centro de prensa aberto pola empresa Mediapro, na que os medios deben pagar para poder ter acceso.
Labregos cataláns organizan unha tractorada en apoio ao referendo. Á iniciativa da Unió de Pagesos uníronse uns 2.000 tractores, segundo a organización, arredor da metade en Tarragona e uns 400 deles en Barcelona.
A débeda pública da Xunta situouse no segundo trimestre de 2017 nos 11.363 millóns de euros. Son 219 millóns máis que no trimestre anterior, pero 636 máis que un ano antes, o que implica un crecemento de case o 6% interanual. Podes ampliar a información aquí
A Audiencia da Coruña condena un ex-directivo de Blu Sens por fraude no IVE e fai responsable á compañía tecnolóxica liderada por José Ramón García (na imaxe). Cóntao Economía Digital Galicia
A UE sitúa Ourense e parte das provincias da Coruña e Pontevedra entre as áreas de maior risco de incendios polo hábitat disperso e a construción no propio monte.
Inspección de Traballo promete ante a Xunta que non multará a familiares e amigos que axuden no campo
Susana Díaz desoe o veto de Ferraz e o PSOE andaluz aproba no Parlamento a moción de Ciudadanos de apoio á actuación do Goberno de Rajoy no conflito catalán.
Unha sondaxe de GAPS prevé unha participación do 63% no referendo. A actuación do Goberno central incrementou en 600.000 a cifra de cataláns decididos a votar. O 74% considera que o Executivo actuou de forma "autoritaria"
O Goberno central anula a súa axenda exterior ante o temor a unha declaración unilateral de independencia de Cataluña que, di, podería producirse o 3 ou 4 de outubro.