Esta fin de semana celébrase en Vigo, nas instalacións do Alg-a Lab na parroquia de Valadares, a III Edición do Festival de curtas Curtopía. O conflito de Porto Cabral, o problema do emprego, as migracións, o antimilitarismo ou a interferencia rural-urbano, son algúns dos temas dos traballos presentados.
Elnosa pídelle ao TSXG que amplíe a súa licencia ambiental e negocia a prórroga coa Xunta. A multinacional lusa aduce cambios normativos para tentar evitar que o 6 de xaneiro de 2014 teña que poñer fin á súa actividade en Lourizán
Unha caixa de resistencia para apoiar os docentes en folga en Balears suma máis de 130.000 euros. Levan sete días en folga contra os recortes e a implementación do trilingüismo
Posada expulsa do Congreso o deputado de IU que intentaba expor a moción vetada sobre o caso Bárcenas. Izquierda Plural abandona o hemiciclo.
BNG e Compromiso por Galicia reúnense este mércores para abordar "conformar unha coalición unitaria galega de forzas nacionalistas e de esquerda" nas europeas.
Ence prepara novos investimentos en Pontevedra, "segura de que permanecerá 75 anos máis", destaca Economía Digital. "A nova Lei de Costas permite prorrogar ata 75 anos a concesión, e é o que proximamente imos solicitar", destacou en El País o conselleiro delegado da empresa, Ignacio de Colmenares.
Yolanda Díaz, vicevoceira de AGE, denunciou hoxe a "actitude sexista" dun deputado do PP na última sesión plenaria e pediu a súa reprobación, rexeitada por Pilar Rojo. O representante popular chamoulle "fea" a Consuelo Martínez (AGE) e nin sequera foi chamado á orde.
O pleno da Deputación de Lugo aproba a condena ao franquismo e a petición de que a exaltación do fascismo sexa delito. A iniciativa saíu adiante cos votos de PSdeG e BNG, mentres que o PP votou en contra.
Rubalcaba reclámalle a Rajoy que trate "xa" a situación de Catalunya e pide unha reforma da Constitución para definir os "elementos federais" xa existentes e buscar o encaixe de Catalunya: "Catalunya ten uns dereitos que non están na Constitución. Hai que reformala para recoller as singularidades históricas".
O recibo da luz subirá un 3,1% dende outubro como consecuencia da última poxa eléctrica. Recólleo a Cadena SER