O Goberno estuda fomentar o uso de plans de pensións privados. A directora xeral de Seguros e Fondos de Pensións asegura que o Executivo está pensando en reducir comisións para estes produtos.
Fálase
A Executiva Nacional de Esquerda Unida inicia un expediente sancionador contra Carmen Iglesias, candidata número 2 de AGE por Ourense, ao non obter resposta ao burofax que lle foi remitido e no que EU sinalaba que as decisións sobre cargos públicos "son exclusiva competencia da organización e non das persoas que ostentan ou poden ostentar os mesmos”
Feijóo anuncia en Madrid que o Estado recorrerá a sentenza do Prestige para determinar "quen paga" e abrir así "vías en responsabilidade civil". Díxoo nunha conferencia organizada por ABC na que asegurou que "o problema" territorial do Estado non é "quen a ten máis grande; a bandeira, claro".
A Plataforma Galega en Defensa do Ensino Público entregou no rexistro da Xunta 482 sinaturas de persoas da cultura galega que esixen a retirada da LOMCE No acto participaron, entre outros, Agustín Fernández Paz, Xabier Docampo ou Suso de Toro.
O blog Poligraficos analiza o déficit de tarifa instaurado polo goberno de José María Aznar en 2000 e que cualifica de "estafa" e como "o maior escándalo da democracia española". Denuncia, así mesmo, que a recente reforma eléctrica "afianza o réxime monopolista do mercado eléctrico español".
Manuel Fernández de Sousa reclámalle a Pescanova unha indemnización de 663.199 euros por suposto despedimento improcedente. O empresario presentou a súa dimisión como presidente en xullo, tras coñecerse o informe forense realizado por KPMG para determinar a situación da compañía.
A selección de fútbol de Gibraltar ultima un acordo para xogar a súa primeira fase de clasificación da Eurocopa no estadio portugués do Algarve. Segundo informa A Bola, a elección de Portugal realízase para evitar os "problemas xeopolíticos" que implicaría tentar disputar os encontros nun campo español.
Gallardón di que a reforma do aborto aprobarase neste ano. Asegura que é "inminente" e que o proxecto está "extraordinariamente avanzado".
Os praceiros e praceiras de Pontedeume que levaban 16 días pechadas no Mercado foron desaloxadas ás seis da mañá deste luns polos antidisturbios. Denuncian que o Concello lles impón un traslado forzoso, sen garantías de continuidade, e a unhas instalacións provisionais non axeitadas.
Emir Sader reflexiona en Público sobre "Por que o Foro Social Mundial se esgotou". Sinala que a súa "intranscendencia" se deriva da non participación dos Gobernos progresistas e que "as ONG e os teóricos da 'sociedade civil' viron como o seu paradigma liberal, anti-Estado, era superado pola realidade".