O ex-número tres do Ministerio do Interior e xefe da 'policía patriótica' non desbotou no xulgado que dispuxese de fondos reservados para as súas operacións. Desta unidade dependeron os informes lanzados dende o corpo policial sobre forzas da oposición que resultaron ser falsos. Cóntao a Cadena SER
A segunda canle da TVG repasa esta noite a historia das Irmandades da Fala. Será a partir das 23:00, coa emisión dos documentais 'As Irmandades da Fala. 100 anos' e 'Galicia 1918 – 1988. Cen anos de nacionalismo'.
A Comisión Europea abre a porta a que a liberdade de circulación na UE sexa só para mercadorías e capitais. É un dos escenarios que traza o Libro Branco sobre o futuro de Europa que presenta este mércores Jean Claude Juncker, segundo adianta a Cadena SER
A Audiencia decide reabrir a causa da 'caixa B' do PP e cita a declarar nela a Francisco Correa. A decisión baséase nas revelacións no primeiro xuízo da trama Gürtel.
Jordi Montull, man dereita do ex-presidente do Palau da Música Fèlix Millet, ofrécese a confesar o cobro de comisións a CDC a cambio dunha considerable rebaixa da pena para a súa filla.
O temporal remite este mércores, despois de deixar este martes refachos de vento de 116 quilómetros de hora e ondas de ata 16 metros.
Un 21% da poboación reclusa en Galicia ten hepatite C, a segunda maior prevalencia en toda España. Institucións Penitenciarias afirma, trala consulta da Defensora del Pueblo que non existe "demora" no tratamento e que se atende a todos os pacientes
CTXT destaca a folga de fame iniciada hai tres semanas por un grupo de mulleres na Porta do Sol de Madrid. Denuncian a situación das vítimas da violencia machista e esíxenlles aos políticos medidas efectivas
A Coruña convocará unha consulta popular sobre os terreos portuarios. O Concello encarga un informe á asesoría xudídica para levar a cabo un referendo sobre o futuro do bordo litoral da cidade.