A Xunta informa de que Feijóo vén de reunirse co presidente cubano, Raúl Castro, un encontro que non fora previamente incluído na axenda da visita do titular da Xunta á illa.
Fálase
Membros da organización católica de base Redes Cristianas maniféstanse en Compostela contra os recortes e os desafiuzamentos. Recólleo Europa Press na súa web.
Organizacións políticas e sindicais da Comunitat Valenciana mobilízanse despois de que o Goberno da Generalitat expedientase o colexio cuxo alumnado berrou a prol de Canal 9 nas inmediacións dunha visita oficial do presidente, Alberto Fabra. En El País.
A asociación lucense Cultura do País realiza unha nova achega á investigación histórica sobre a Asemblea Nacionalista de Lugo. Despois de que o historiador Xulio Pardo de Neyra aclarase que os traballos da asemblea se celebraran no teatro Lugo Salón e non no hotel Méndez Núñez, o colectivo cultural matiza que o establecemento hostaleiro acolleu a festa posterior aos traballos políticos.
O Portal das Palabras lembra o "respecto á diversidade lingüística" que caracterizou a Nelson Mandela.
A reunión de Feijóo co vicepresidente de Cuba é este sábado a nova de apertura do Granma, xornal do Partido Comunista Cubano. En páxinas interiores, a visita do titular da Xunta comparte protagonismo coa dunha delegación de Izquierda Unida que tamén se atopa na illa.
O ministro do Interior dá por "gañado" o "debate" sobre a colocación de coitelas no valado de Melilla para impedir o paso de persoas migrantes. Cóntao El Diario
O delegado do Goberno central en Galicia, Samuel Juárez, sentenza que o ditame xudicial sobre a doutrina Parot "non é Xustiza", defende a futura Lei de Seguridade e vincula a forzas parlamentarias con Resistencia Galega. Nunha entrevista con Europa Press.
Técnicos de Industria detectan máis facturas fraudulentas de Fenosa, pero a Xunta descarta sancións. Cóntao El País
O 35º aniversario da Constitución reúne a menor representación política, institucional e social dos últimos anos. Ao acto organizado no Congreso non acudiu ningún deputado nacionalista nin da Esquerda Plural. E só 5 dos 17 presidentes autonómicos, ningún do PSOE.