A Xunta publica as listaxes de persoas admitidas e excluídas nas oposicións de Educación. Pódense consultar na web da Consellería. O prazo de reclamacións é de cinco días naturais.
![](https://praza.gal/media/cache/live_image/xornal/uploads/falase/foto/593ab4634f4f4-58b012dd9bb0d-2016012320oposiciones20silleda20sergas201.jpg)
A Xunta publica as listaxes de persoas admitidas e excluídas nas oposicións de Educación. Pódense consultar na web da Consellería. O prazo de reclamacións é de cinco días naturais.
O Goberno central concede a Medalla ao Mérito no Traballo ao ex-presidente Gerardo Fernández Albor. O Consello de Ministros destaca, xunto á súa traxectoría política, que "acumula unha extensa carreira como cotizante da Seguridade Social" cando está a piques de facer 100 anos. O Executivo de Rajoy outorga a mesma distinción a Magín Alfredo Froiz, fundador dos supermercados Froiz.
AUDIO | O delegado da Xunta en Lugo afirma que a provincia "agora" vai ter "osos con diñeiro", mentres que antes tiña "osos, nada máis". José Manuel Balseiro anunciou así os fondos para paliar os danos causados por estes animais na montaña lucense. "Non imos dedicar diñeiro a que haxa máis osos", abondou, tal e como recolle Radio Lugo. En 2014 recolléronse novas testemuñas da presenza de osos no Courel.
Jaime Castiñeira abandona a portavocía municipal do PP de Lugo e a corporación tras 14 anos como edil, 7 deles como voceiro. Castiñeira aspirou á alcaldía da cidade en 2011 e 2015 e a súa renuncia chega apenas dúas semanas despois de que Ramón Carballo accedese á presidencia local do partido, ratificando o seu afastamento do liderado. É tamén deputado no Parlamento.
A Generalitat convoca o referendo para o 1 de outubro. A pregunta acordada é: Quere que Catalunya sexa un Estado independente en forma de república?. "Comprometémonos a aplicar o mandato dos cidadáns", di o president Puigdemont.
O Estado celebra hoxe a poxa da mansión intervida ao narcotraficante Laureano Oubiña xunto a outras sete propiedades procedentes do tráfico de drogas. Recólleo Faro de Vigo
O TC declara inconstitucional a amnistía fiscal do Goberno do PP, pero non anula os beneficios de quen se acolleron a ela. O recurso fora presentado polo PSOE. Recólleo eldiario.es
Xosé Ramón Gayoso, Xusto Beramendi, Cristina Pato, o Oceanográfico de Vigo e o Grupo Nove, Medallas Castelao 2017, segundo vén de aprobar o Consello da Xunta. Os galardóns entréganse o vindeiro 28 de xuño. (imaxe: CRTVG)
Con motivo da celebración do Día Mundial dos Océanos, este xoves amenceron cubertos de plásticos varios espazos e monumentos significativos da Coruña, dentro da iniciativa Móllate! co obxectivo de "sensibilizar sobre a importancia da redución de plásticos nas nosas vidas"
O Reino Unido celebra eleccións este xoves. A conservadora Theresa May mantense por diante nas enquisas, a pesar de que durante a campaña a diferenza co laborista Jeremy Corbyn se reduciu notablemente. Os conservadores gañarían por entre 1 e 13 puntos de diferenza, unha marxe que dependerá da participación da mocidade, maioritariamente laborista. Os colexios pecharán ás dez da noite, hora británica.