Nacen os Premios María Luz Morales de ensaio audiovisual galego e internacional. Impúlsaos a Academia Galega do Audiovisual, contan con catro categorías e nacen co apoio das deputacións da Coruña, Lugo e Pontevedra e mais do concello coruñés.
Fálase
-
A coprodución galega Psiconautas, nomeada aos Goya como mellor filme de animación e María (y los demás), da produtora coruñesa Frida Films, opta a dous galardóns. Nos nomeamentos inclúese tamén un tema interpretado por Uxía como mellor canción orixinal polo filme Frágil equilibrio. Asdemais, o ferrolán Javier Gutiérrez foi nomeado a mellor actor de reparto por El Olivo.
Lores ve unha "moción de censura encuberta" nas emendas da oposición aos orzamentos de Pontevedra para 2017. As modificacións denuncia o BNG, "impiden gobernar e buscan torpedear o modelo de cidade". PP, PSOE, Marea de Pontevedra e Ciudadanos, sacaron adiante o ditame orzamentario en comisión e envíano ao pleno. "Non é o orzamento que nós presentamos", afirma o alcalde.
Falece Isidro Silveira, presidente do Racing de Ferrol, destacado empresario e ex-futbolista do Celta de Vigo. O club departamental vén de confirmar o seu falecemento, como conta Ferrol360.
Gonzalo Navaza, profesor da facultade de Filoloxía e Tradución da UVigo, defende nun traballo publicado na Revista Galega de Filoloxía que o nome de A Coruña ten unha orixe literaria, aparecendo primeiro como topónimo na Historia Turpini, o libro IV do Codex Calixtinus. O primeiro documento no que se refire á actual cidade data de 1208, cando Crunia comeza a substituír os antigos nomes de Faro e Brigantium
A proposta de cotas pesqueiras para 2017 presentada pola UE prevé unha redución das capturas de pescada (-20%) e xurel (-45%), e fortes descensos igualmente en meiga e peixe-sapo, especies de principal interese para a frota galega. A Xunta ve "lamentable" a proposta e "confía en mellorala"
El Diario debulla as tres principais propostas para o referendo que definirá a Asemblea de Podemos. Manolo Monereo critica que se estea "facendo un debate de procedementos cando necesitamos un debate de ideas"
Soraya Sáenz de Santamaría acepta ter unha relación de "bilateralidade" con Cataluña nalgunhas cuestións, unha demanda expresada en varias ocasións pola Generalitat. Aznar acusa a Rajoy de "asumir o relato que fan os seus adversarios"
Fomento di agora que si fará a variante de Ourense para o AVE e que buscará unha solución provisional para que o tren de alta velocidade chegue antes. O Ministerio emite un comunicado tras asegurar que non cría que "pagase a pena" o treito do AVE en Ourense que a Xunta vía esencial e di que o tren chegará á capital ourensá e Vigo polas variantes de Taboadela e Cercedo "como estaba previsto".
Este outono choveu un 33% menos do habitual en Galicia, segundo o informe estacional que este martes publicou Meteogalicia. Resultou especialmente seco o mes de outubro (cun 64% menos de precipitacións) e no sur da Coruña e nas zonas motañosas do leste, onde no trimestre caeu un 60% menos chuvia do normal. O outono foi algo máis cálido que o ano anterior, engadíndose a unha xeira de ascenso case ininterrompido das temperaturas na última década.
