O novo candidato de JxCAT á investidura será Jordi Turull, segundo vén de anunciar a ex-consellera de Agricultura Meritxell Serret (ERC) en TV3.
Fálase
-
O ex-presidente francés Nicolas Sarkozy, baixo custodia policial por suposto financiamento ilegal da súa campaña en 2007. Está a contalo eldiario.es
Suspendido o xuízo a Emilio Cao pola incomparecencia de dous axentes de policía que debían declarar. O mozo galego ía ser xulgado tras ser detido nunha mobilización das Marchas da Dignidade hai catro anos. Toda a información, hoxe en Praza.gal.
Cocentración para pedir a absolución de Emilio Cao en Madrid, onde hoxe se celebra o xuízo polo que pode ser condenado a entre 5 e 8 anos de prisión.
Este luns volve a negociación entre Xunta e persoal de xustiza tras máis dun mes de folga. A pasada semana o comité de folga advertiu do mantemento das súas reivindicacións e o vicepresidente Rueda instou a non formular peticións "inasumibles". O presidente Feijóo, pola súa banda, tentou enfrontar o persoal mobilizado cos pensionistas que reclaman un incremento das súas prestacións por xubilación.
O Constitucional avalará este martes as subvencións aos colexios que segregan o alumnado por sexo ou o incremento de rango da materia de Relixión. Segundo adianta a SER, a maioría conservadora vai tombar o recurso do PSOE á aínda vixente 'Lei Wert'
Putin obtén unha esmagadora vitoria nas eleccións presidenciais rusas con arredor do 70% dos votos, segundo as sondaxes tras o peche dos colexios electorais
Suspendidas novamente declaracións de testemuñas do accidente de Angrois previstas para este luns por mor da folga da Xustiza. A causa acumula xa seis imputados de Adif, Renfe e Ineco ademais do maquinista, un deles aínda pendente de declarar. Tamén se está á espera dun informe clave da Axencia Ferroviaria Europea que se vén amosando crítica co goberno de España.
Un deseño da ilustradora Xulia Vicente, imaxe da vixésimo segunda edición dos Premios de Teatro María Casares. A entrega dos galardóns, o día 21 na Coruña, será unha celebración dos corenta anos de teatro profesional en Galicia
Unha enquisa publicada por La Vanguardia sitúa a suma de Ciudadanos e PP con maioría absoluta no Congreso, cos de Albert Rivera como primeira forza en votos e segunda en escanos. Os populares lograrían o 23,8% dos sufraxios, apenas un punto máis que o PSOE, e Unidos Podemos e as confluencias ficarían un chisco por baixo do 17%.
