O Goberno dá luz verde ao indulto ás galegas Ana e Tamara, condenadas a tres anos de cadea por participar nun piquete durante unha folga. O ministro de Xustiza tería anunciado a boa nova tras reunirse co conselleiro Alfonso Rueda.
![](https://praza.gal/media/cache/live_image/xornal/uploads/falase/foto/545c61bb17275-536b4f27355bc-tamara_ana.jpg)
O Goberno dá luz verde ao indulto ás galegas Ana e Tamara, condenadas a tres anos de cadea por participar nun piquete durante unha folga. O ministro de Xustiza tería anunciado a boa nova tras reunirse co conselleiro Alfonso Rueda.
As Marchas da Dignidade percorreron as rúas das cidades galegas na chuviosa tarde de onte. As protestas animaron a participar na manifestación nacional do vindeiro 29 de novembro no Obradoiro e berraron "contra a corrupción e o pago da débeda e polo emprego digno, os dereitos sociais, as liberdades democráticas, contra os recortes e a represión, pola renda básica, por unha sociedade de mulleres e homes libres e contra un réxime que nos agride e non nos representa"
A editorial Hugin e Munin fai público un documento, entregado a Valedor do Pobo, Secretario Xeral de Cultura, o Conselleiro de Cultura e ao Presidente da Xunta, no que expresa o seu malestar co actual sistema de adxuducación de axudas á tradución e fai unha "proposta para un cambio efectivo de modelo"
Xurxo Souto, premio Ondas pola mellor cobertura informativa polo programa Ponte nas ondas, que reivindica o patrimonio común galego-portugués.
Jean-Claude Juncker, presidente da Comisión Europea, acurralado polos acordos secretos entre Luxemburgo e grandes empresas para non pagar impostos. Cando Juncker presidía o Ducado, 340 multinacionais pactaron pagar tipos fiscais inferiores ao 1% para reducir o que aboaban noutros países da UE.
Feijóo asegura ser "máis de Podemos que os de Podemos". Preguntado polas boas expectativas electorais do partido que lidera Pablo Iglesias, o presidente da Xunta reivindica que "nin os meus pais nin os meus tíos eran profesores universitarios" nin "persoas de clase media ou burguesa", polo que, "se alguén quere plantexa a orixe social", el non pertence "entre aspas", á "casta".
O Supremo rexeita suspender o recurso do Goberno central contra o 9-N. O tribunal non anula a decisión do Executivo de Rajoy de recorrer a consulta ante o Constitucional.
A Consellería de Traballo esíxelle á desaparecida Fundación Preescolar na Casa a devolución dunha subvención de 422 euros concedida en 2010. A Fundación tivo que pechar en 2012 pola retirada repetina da axuda do Goberno galego. Tras acusar o bipartito de "afogar" o proxecto, o PP defendeu o seu peche porque "xa non funcionaba".
Os Orzamentos do Estado superan o trámite da comisión sen que o PP acepte ningunha das 4.000 emendas da oposición.
A Garda Civil lanza unha operación contra a "apoloxía do terrorismo" nas redes sociais. Agárdanse vinte arrestados e as primeiras detencións leváronse a cabo en Bizkaia, Araba e Barcelona.