Este venres comezan os días grandes do Entroido 2019 en todo o país. Sobre todo na provincia de Ourense e nomeadamente no triángulo máxico formado por Verín, Xinzo de Limia e Laza, sen esquecer outras localidades como Maceda, Vilariño de Conso, Viana do Bolo, Chantada ou Cobres.
Toda Galicia é unha festa, como xa repasamos nesta Ducia de Capitais do Entroido e nestoutra Ducia de Personaxes. Unha festa que, ademais, se goza con todos os sentidos, e moi especialmente co do gusto. Cal é o voso Doce de Entroido preferido? Viaxamos polo Entroido Galego?
