O candidato socialista á presidencia da Xunta, José Ramón Gómez Besteiro, reclamou Alfonso Rueda, que "conteste" á súa oferta para celebrar seis debates electorais e "concrete xa onde e cando" facelos. "Igual tiña que emprazar a Núñez Feijóo", dixo sobre o líder do PP nacional ante a falta de resposta de Rueda e argumentando o control que el considera que o ex-presidente galego exerce sobre o actual. "Aquí si hai tutelas e tutíos", dixo, parafraseando a famosa frase de Manuel Fraga ante Aznar hai 33 anos.
Durante unha visita ao mercado de abastos de Pontevedra, Gómez Besteiro destacou a "necesidade de discutir e presentar as solucións e os proxectos alternativos para Galicia". Así, afirmou que o PSdeG ten "tantos asuntos que tratar e proxectos para os próximos anos" que emprazou a Rueda a que "sente nunha mesa" e o propio candidato socialista "noutra". "E quen queira a maiores", aclarou.
"Igual tiña que emprazar a Feijóo", di Besteiro, que cre que no PPdeG "si hai tutelas e 'tutíos"
Ademais, e de cara a 2024, Rueda tamén se referiu a que o Goberno de España ten "moitos proxectos para Galicia", suxerindo "o bo" que sería" contar cun "novo goberno galego" que, xunto co Executivo estatal e os municipios con alcaldías socialistas, formasen "tres proxectos de Administración traballando nunha mesma dirección".
"A alternativa do PP son os paus nas rodas, a confrontación, as leas e cero solucións", criticou o candidato do PSdeG. Como exemplo mencionou a publicación das axudas aos proxectos enerxéticos que "no último ano o PP non foi capaz de pór en marcha".
Por outra banda, Gómez Besteiro referiuse a os problemas que acumula o servizo ferroviario en Galicia, anunciando que "pronto haberá boas noticias". O candidato socialista á Xunta lembrou que as melloras formaban parte do pacto de investidura: "A incorporación dos novos Avril vai revolucionar o panorama do ferrocarril en Galicia e vai mellorar o servizo de proximidade".
Besteiro estivo acompañado en Pontevedra polo portavoz socialista no Concello, Iván Puentes, a ex-presidenta da Deputación e actual senadora, Carmela Silva, a ex-delegada do Goberno, Maica Larriba, e varios concelleiros. Logo, na praza do Teucro reuniuse a uns 150 militantes nun pequeno acto.
Por outra banda, e ao igual que fixeron BNG e PPdeG, Besteiro lanzou tamén o seu vídeo de Nadal. Nel, gabou a xente e os produtos de Galicia e advertiu que o país tamén pode "ter o mellor goberno do mundo". "De ti depende converter este desexo nunha verdadeira realidade. É o noso momento. Bo Nadal", di Gómez Besteiro ante a cámara.
