O presidente da Xunta, Alfonso Rueda, foi preguntado este luns de xeito expreso sobre se o que está facendo Israel en Gaza é un "xenocidio" e "se usaría esa palabra ou como o definiría". A resposta do presidente foi esta: "Paréceme unha auténtica salvaxada, non ten nome e ten que parar canto antes".
O presidente engadiu que "as denominacións máis técnicas creo que non poden ocultar o que está pasando, e o que está pasando é que están morrendo miles de persoas e iso debe parar".
O presidente argumenta que "as denominacións máis técnicas creo que non poden ocultar o que está pasando, e o que está pasando é que están morrendo miles de persoas e iso debe parar"
Pero Rueda foi máis alá da pregunta, que se centraba exclusivamente na denominación do que sucede en Gaza ante a reticencia do PP a denominalo xenocidio. O presidente quixo referirse tamén a "os métodos e consecuencias que empregan algunhas persoas" para protestar contra Israel, dos que dixo que "non son os axeitados". "Non é de recibo en absoluto as manifestacións do presidente do Goberno, un auténtico irresponsable", dixo Rueda sobre o apoio de Pedro Sánchez ás protestas cidadás contra Israel, que nas últimas xornadas supuxeron a suspensión dos quilómetros finais de varias etapas da Vuelta a España, como a que debía rematar en Mos o pasado martes.
