Galiza Nova convoca para este domingo ás 17.30 horas unha concentración para protestar contra a corrida de touros que se vai celebrar na vila. Mentres, nove colectivos xuvenís ligados a partidos políticos ou movementos sociais presentaron un manifesto conxunto pola abolición.
A Coruña acolleu a Conferencia Internacional pola Abolición da Tauromaquia, na que activistas e políticos deixaron claro que "o vento sopra a favor dos abolicionistas" nun Estado. O senador de Iniciativa, Jordi Guillot, anunciou a creación dunha asociación parlamentaria no Congreso contra "a mal chamada festa nacional".
Este sábado, a partir das seis da tarde, expertos e activistas de Catalunya, Portugal, Holanda e Galicia analizarán a situación actual das touradas, as subvencións que reciben a posibilidade de que sexan prohibidas en Galicia. Os seus organizadores sinalan o 2015 como obxectivo para eliminar as touradas na Coruña.
Jordi Guillot é senador por Iniciativa per Catalunya, formación da que é vicepresidente. Será unha das voces que participará este sábado na Coruña na Conferencia Internacional pola Abolición da Tauromaquia. Falamos con el da crise económica, da organización da esquerda e das touradas, sobre as que é rotundo: "se a marca España se reduce a Bankia e ás corridas de touros, imos apañados. É o peor pasaporte que podemos ter". Audios no interior.
Falamos con Sérgio Caetano, representante do Movimento pela Abolição das Corridas de Touros de Portugal, que participará este sábado na Coruña na Conferencia Internacional pola Abolición da Tauromaquia.
Helena Escoda é unha activista catalá moi implicada nos últimos anos na loita pola abolición das touradas en Catalunya. O 16 de xuño participará na Coruña, xunto con outros expertos, na Conferencia Internacional pola Abolición da Tauromaquia
O sábado 16 de xuño expertos procedentes de Portugal, Catalunya ou Holanda debatirán sobre a oposición cidadá a este espectáculo e as fórmulas de financiamento público que o sustentan. Segue sen confirmarse se haberá feira taurina este verán, despois de que os dous promotores das últimas edicións renunciasen a organizala.
Aproba as condicións da licitación do espectáculo, que constará de tres touradas, e comprométese a "instalar e engalanar a praza", ademais doutras prebendas, como a cesión da banda municipal e a exención das taxas correspondentes, uns favores que sumados ascenden a 79 mil euros, segundo Galicia, mellor sen touradas.
A actriz Lucía Regueiro denunciou as subvencións que reciben as touradas mentres que as artes escénicas sofren recortes, ao tempo que a concelleira de Cultura, Ana Fernández, afirmaba que "teñen cabida como espectáculo, igual que a danza ou o teatro" e que "non será o PP" o que acabe coas tourades na Coruña.
O goberno municipal da Coruña anunciou este mércores que deixaría de financiar os festexos taurinos coa subvención directa de 130 mil euros que entrega anualmente. Porén, os colectivos opostos a este espectáculo piden que deixe de cederlle de balde o recinto do Coliseo, unha subvención indirecta de 120 mil euros. O Concello da Coruña gastou case un millón e medio de euros nas touradas na última década.
Calcúlase que cada ano os gandeiros taurinos reciben 600 millóns de euros de fondos europeos para o desenvolvemento agrario. En Galicia, as subvencións públicas sosteñen os poucos espectáculos que quedan e por exemplo na Coruña a feira que se celebra en agosto acumula perdas de 600 mil euros nos últimos tres anos, a pesar da achega municipal de case medio millón de euros.