Unha ducia de manifestacións enchen as rúas das cidades e vilas galegas en defensa da sanidade pública. Os traballadores denuncian os obstáculos postos pola Consellaría ao paro.
Os sindicatos destacan o elevado seguimento da primeira xornada de folga no SERGAS e fan un chamamento á sociedade a participar nas manifestacións convocadas este martes en defensa da sanidade pública. CIG e CCOO cifran nun 80% a participación, e a Xunta fala dun 22%, sen contar os servizos mínimos (outro 35% de traballadores)
O PP saca adiante en solitario a Lei de Garantías de Prestacións Sanitarias, que deriva os doentes a centros alleos á rede pública se a Xunta incumpre os seus propios prazos. A oposición censura o cambio de modelo e ve na norma unha "arma de destrución masiva" para o Servizo Galego de Saúde.
O Servizo Galego de Saúde implanta dende este luns en todo o país o sistema de atención non presencial. O Goberno galego asegura que incrementa a marxe de "elección" para os pacientes mentres SOS Sanidade alerta de que o plan pode ser unha "escusa" para novos recortes.
CIG e CC.OO. anunciarán este luns o paro no Sergas, que tamén convocan os sindicatos médicos CESM-Galicia e Omega. A redución de persoal, a non reposición de xubilacións ou as externalizacións e privatizacións de servizos, entre as restantes causas da folga.
Os alcaldes de San Sadurniño, Allariz, Riotorto e Ribadeo acoden á Xunta para reunirse co presidente e solicitarlle que non aplique este repago tras a solicitude feita por carta. Presidencia negoulles a entrada e xa advirten de que volverán cada semana ata que se revogue a norma.
O Sindicato Labrego Galego denuncia que as axendas xinecolóxicas están pechadas en Vilalba para todo 2014. O Sergas négao.
O alcalde de Riotorto envía unha dura carta ao presidente da Xunta na que lle pide unha xuntanza coa Iniciativa Galega pola Gratuidade da Sanidade para "atopar unha solución para un problema que pon en risco a vida de milleiros de cidadáns" e apela á súa "humanidade, se aínda lle queda".
Cerdido asumirá o copago de medicamentos para os veciños con problemas económicos. "Non me sitúo contra o partido, sitúome baixo a miña conciencia", di a rexedora popular, que confía nunha solución desde a Xunta e que se une aos concellos populares de Boborás e Vilanova no rexeitamento á medida.