Pola sanidade pública

O xerente da área sanitaria de Lugo remite unha circular aos centros de saúde para advertir de que "toda información que se pretenda difundir deberá requirir" a súa "autorización"  e ordenar "retirar todos aqueles carteis que non se axusten" ás súas indicacións. O Sergas xa emitira unha prohibición semellante para toda Galicia en pleno conflito polo peche do paridoiro de Verín en 2020. En 2003, o gabinete de Fraga tentara frear pola mesma vía as protestas nos centros de ensino polo Prestige e a guerra de Iraq

A Consellería xustifica a privatización porque "na área sanitaria de Lugo non se dispón dos recursos propios suficientes". Profesionais da Asociación de Técnicos Superiores Sanitarios de Galicia aseguran que "agora mesmo non hai recursos suficientes en ningún centro hospitalario de Galicia" porque "a Xunta non fixo unha previsión das necesidades" e "as listas de contratación levan 15 anos paradas"

Sanidade asegura contar xa con 95 residentes a piques de rematar a formación en Pediatría ou Medicina de Familia para atender en centros de saúde con menos persoal por mor das vacacións ou que teñen máis demanda a causa do turismo. Defende que a estrea desta fórmula foi un "éxito" no verán de 2024, cando veu admitir que a supervisión deste persoal podía ser só telefónica

A área sanitaria de Lugo ábrese con este contrato, duns 195.000 euros, a que unha empresa privada acceda desde fóra da rede informática do Sergas aos historiais dos pacientes

Ao contrario que en anos anteriores Galicia logra asignar todas as prazas de formación sanitaria especializada, o mesmo que as demais autonomías, tras axustes no sistema de elección como a volta á presencialidade. As doce prazas finais escollidas polos MIR de todo o Estado foron en Medicina Familiar na provincia de Lugo e só unha área sanitaria galega, a da Coruña, completou as súas prazas días antes do remate do proceso de elección

Rematan as mobilizacións ininterrompidas en Burela desde o pasado 9 de abril. Persoal, apoiado por pacientes, acumula semanas denunciando as "carencias" do centro hospitalario, pedindo máis recursos e sinalando a supresión da área sanitaria como clave da "deterioración" do servizo sanitario na comarca. 

"SOS Sanidade Pública vén constatando que as listas de espera son un serio problema para a cidadanía, que ocasionan sufrimento, ansiedade e que incrementan o número de consultas, tanto en atención primaria como en urxencias e nos hospitais", aseguran

O 31,8% dos galegos e galegas afirma que nos últimos 12 meses sufriu "demora excesiva" ou "inaccesibilidade á asistencia médica" por mor das listas de espera. Os datos, que se triplicaron dende 2017, só son superados polos da Rioxa. Un 16% di que non puido ir ao dentista por motivos económicos, a maior porcentaxe de todo o Estado.

A condena do TSXG desvelada por Praza.gal só ten un precedente no tribunal superior de Canarias, mentres que Audiencia Nacional e Supremo rexeitaron revisar un caso, doutra galega, cualificado como tal polo comité da ONU contra a discriminación das mulleres

A xustiza galega vén recoñecendo diversos danos durante os partos pero é a primeira vez que emprega o concepto "violencia obstétrica", nun caso no que o propio xefe de servizo do hospital lamentou "profundamente a falta de entendemento" 

A plataforma SOS Sanidade Pública da área sanitaria de Vigo esixe "coñecer os termos do contrato" entre Sanidade e Povisa e que a Xunta "cumpra" coa súa obriga de transparencia. Piden "un plan de investimentos que permita recuperar os recursos asistenciais públicos previstos inicialmente" no ano 2006, cando se iniciou a planificación do Novo Hospital de Vigo

A dirección do hospital de Burela ordena retirar unha obra-pancarta realizada por varios artistas locais que simboliza "a vulnerabilidade dos e das doentes ante as demoras e falta de coidados" na comarca, que leva semanas de mobilización contra os recortes e a falta de persoal.