Marcos Pérez Pena
O torques de Burela e outras valiosas pezas marchan do Museo de Lugo
Os herdeiros de Álvaro Gil, propietarios da colección, retiraron este xoves as corenta pezas de ourivería prerromana, das que se descoñece o seu destino. A Deputación de Lugo ofreceu pagarlles tres millóns de euros, pero a familia rexeitouno.
"Non é a mesma opresión a que sofre unha muller que cobra 700 euros ao mes que a que cobra sete"
Leil Zahra Mortada, activista libanesa, anarcofeminista, ofreceu unha charla este xoves na Coruña sobre "Corpos en resistencia, identidades en (re)formación". Nos últimos dous anos participou activamente nas protestas cidadás en Exipto e realizou o proxecto audiovisual Palabras de Mulleres da Revolución Exipcia
A xustiza europea declara ilegal o 'céntimo sanitario', pero Feijoo asegura que o imposto está "blindado"
O presidente da Xunta defende que España modificou a lexislación na que se basea este imposto para "blindalo ante calquera problema que teña nas instancias europeas” e que o ditame coñecido hoxe é "anterior a esta modificación lexislativa"- Os orzamentos da Xunta para 2014 elevaron esta taxa en dous céntimos.
O orzamento das bibliotecas galegas é a metade que hai dous anos
Este 24 de outubro celébrase o Día da Biblioteca, que viron recortados os seus fondos á metade dende 2012, a pesar de que o seu número de usuarios creceu un 15% ao longo da crise económica. Olimpia López, presidenta de ANABAD-Galicia, destaca a función de "cohesión social" destes espazos públicos.
Que nomes lle poñemos á crise?
Investigadoras galegas e brasileiras participan nun proxecto que analizan os termos lingüisticos usado nun e noutro lado do Atlántico para dar conta da situación económica. Falamos coa profesora da Facultade de Filoloxía e Tradución da Universidade de Vigo, Iolanda Galanes, responsable do grupo galego.
O 50% das cooperativistas galegas son mulleres, pero estas só presiden o 2% das entidades
A Asociación Galega de Cooperativas Agroalimentarias (AGACA) presenta o estudo A participación das mulleres nas cooperativas, que revela a súa escasa presenza nas xuntas reitoras das cooperativas agrarias e identifica os principais obstáculos para o seu acceso.
A factura do lixo crecerá un 34% para compensar as perdas de Sogama
A suba afectará aos 2,3 millóns de cidadáns que viven en localidades que envían os seus residuos á planta de Cerceda, que deixa de ingresar 13 millóns de euros anuais tras a reforma enerxética do Goberno. A Xunta lava as mans e deixa en mans dos concellos a aplicación deste incremento.
"A política de estranxeiría é unha reforma laboral encuberta que precarizou as condicións de traballo"
Eduardo Romero presenta esta semana en Galicia (en Compostela, Ourense, A Coruña e Ferrol) o libro ¿Qué hacemos con las fronteras? (Akal), do que é coautor. Analiza as migracións como parte do proceso de acumulación capitalista que baleira uns territorios e enche outros
Só o 10% das persoas migrantes privadas de atención sanitaria se benefician do "parche" da Xunta
Foro Galego de Inmigración, SOS Sanidade pública, Médicos do Mundo, Amnistía Internacional e a Asociación Galega de Medicina Familiar denunciaron este martes en San Caetano "as vulneracións no acceso á asistencia sanitaria das persoas migrantes" e a ineficacia do programa alternativo do Goberno galego.
"Cando tes a humildade e a forza de caer e volver levantarte, todo é posible"
Unha delegación de Pallasos en Rebeldía, encabezada con Iván Prado, pasou as últimas semanas nos campos de refuxiados do Sahara, participando no festival de cinema FiSahara, e nos campos de refuxiados palestinos do sur do Líbano, que acollerán o Festiclown 2014.
O Concello da Coruña, a voltas cos 'perigos de Internet'
Convoca, no marco do Programa de Prevención de Drogodependencias o concurso de banda deseñada Que no te atrape la red para alertar "dos riscos asociados ao uso non axeitado de Internet e das redes sociais". O mes pasado Xunta e Valedor publicaron o cómic Os perigos de Internet, co mesmo fin.
O futuro do monte comunal de Cabral votarase o 10 de novembro
Ese día os comuneiros votarán, de forma segreda e en urna, se aceptan a proposta da multinacional Eurofund para facerse cos terreos e construír alí o macrocentro comercial Porto Cabral.