"Jesús Vázquez non se decata de que pode apuntarse un gran tanto político con Conservación"
Alumnado e profesorado da Escola Superior de Conservación e Restauración de Bens Culturais, con sede en Pontevedra, inician este martes unha marcha a Compostela que rematará cunha manifestación o venres en San Caetano. Reclámanlle ao conselleiro de Educación unha entrevista que lles nega dende antes do verán, para que súa titulación sexa recoñecida como universitaria
Nace Nós TV, unha televisión para o corazón de Galicia
A cadea, que comezou a súa emisión a través da TDT esta semana, centra a súa actividade nas comarcas do Deza, Tabeirós, Melide e Arzúa. Emite en galego toda a súa produción propia, realizada por un equipo moi novo, e centra os seus obxectivos na participación cidadá, no contido social e veciñal e na proximidade.
"Á xente gústalle cada vez máis saber quen elaborou o produto que está a comprar"
Saborplace é unha web pensada para que consumidores preocupados pola súa alimentación e pola orixe dos produtos que consumen, merquen comida de calidade, ecolóxica e artesanal directamente aos produtores, labregos e gandeiros. Dende A Coruña para o mundo.
A crise aféctanos a todos? A uns máis que a outros
A Revista Galega de Economía publica un monográfico sobre Economía da desigualdade, coordinado polos profesores da USC Angela Troitiño e Sebastian Villasante. Este venres clausurouse o foro organizado pola Rede Galega de Loita contra a Pobreza, baixo o título de Un investimento, non un gasto. Un de cada catro galegos atópase en risco de pobreza ou exclusión
Xulio Ríos deixa o Consello de Acción Exterior creado por Feijoo, pola súa "inoperancia"
O director do IGADI denuncia que "a acción exterior galega depreciouse de forma notoria nos últimos anos" e cualifica de “peregrina” a idea de incorporar os ex presidentes nas viaxes ao exterior de contido económico ou cultural
A Escola de Conservación leva á rúa a súa reivindicación de ser recoñecida como ensino universitario
Este venres realizarán unha cadea humana polas rúas de Pontevedra e o martes partirá unha marcha a pé a Compostela. Reclaman que Jesús Vázquez os reciba, pero o conselleiro leva dende antes do verán sen atender á súa petición de manter unha xuntanza para analizar o conflito.
"Europa fomenta o autoconsumo enerxético e a descentralización e o Goberno español fai todo o contrario"
A cooperativa enerxética Nosa Enerxía botou a andar hai dúas semanas, buscando aglutinar socios e socias -a partir de 100 euros- ás que se lles garante que só reciben electricidade de fontes renovables. O obxectivo é, no futuro, producir a súa propia enerxía limpa.
Quero mallar no Android... en galego
Unha campaña reclámalle a Google que se poida escoller o galego como lingua do sistema operativo Android, que domina o mercado, con case o 90% dos smartphones existentes en Galicia.
Hai outras formas de ter enerxía
Nos últimos anos xurdiron cooperativas de consumo e produción eléctrica que buscan o uso exclusivo de fontes renovables e o control democrático da enerxía. A catalá Som Energia supera os 10 mil socios e en Galicia vén de nacer Nosa Enerxía Sociedade Cooperativa Galega.
Debería controlar os excesos dos medios un organismo independente?
A cobertura que algúns medios están realizando do asasinato de Asunta devolve á actualidade a necesidade de organismos que velen pola deontoloxía. En toda Europa existen consellos reguladores do audiovisual; en España só en Catalunya e Andalucía. As organizacións de xornalistas reclaman unha lei de Garantías do Dereito á Información da Cidadanía.
Obama bebe viño galego... e etiquetado en galego
A Casa Branca escolleu Peza do Rei, un tinto da Ribeira Sacra, elaborado por Bodegas Cachín, para a Cea da Hispanidade, que este mércores reunirá a elite empresarial, política e económica del país. Un viño galego e etiquetado en galego.
O Colexio de Xornalistas denuncia os "abusos" dalgúns medios no crime de Asunta
Reclama a aprobación dunha Lei de Garantía do Dereito á Información da Cidadanía e a posta en marcha de mecanismos independentes capaces de defender os cidadáns das prácticas xornalísticas contrarias á ética e deontoloxía profesional.