As 18 propostas finalistas foron escollidas polo xurado de entre as 68 canles que se inscribiron para concorrer á edición de 2023 dos Premios Youtubeiras, cuxo lema desta edición é Rede aberta, Rede diversa!
Youtubeiras xa ten finalistas para os seus galardóns de 2023. As finalistas ao premio canle son OU ké!, Cinema Caníbal e Toxío, mentres que ao galardón ao youtubeira do ano aspiran Pingando, Exército Mekemeke e Recuncho Gamer.
Ao galardón Revelación aspiran O Faiado Podcast, Savia Nova e Luis do Río Pena. Os finalistas na categoría de vídeo son Derrubando Xigantes, de Toxío; Londres, de Malva; e SEG, de Prado Rúa. No trío de finalistas en Calidade Lingüística atópanse Prado Rúa, Olaxonmario e Casa Gallinitas e a terna no caso do galardón Pioneiro está formada por Recuncho Gamer, Lilium e Fica coa bola. Ao premio Rede optan OU ké!, Alma da Vella Chousa e YouTube en galego. Por último, o Premio do Público decidirase entre as tres propostas máis votadas na comunidade dixital: Noticias Dispersas, Fica coa bola e Savia Nova.
Os gañadores e gañadoras coñeceranse na tradicional gala de entrega, que se celebrará o vindeiro 17 de febreiro no Teatro Principal de Compostela
Un total de 18 finalistas aspiran a gañar algunha das oito categorías. Seis finalistas aspiran a levar dous galardóns neste 2023: OU ké! (finalista en premio Canle e en premio Rede), Toxío (Canle e Vídeo), Recuncho Gamer (Youtubeira e Pioneiro), Fica coa bola (Pioneiro e Premio do Público), Prado Rúa (Calidade Lingüística e Vídeo) e Savia Nova (Revelación e Premio do Público). A proposta gañadora en cada categoría recibirá 1.000 euros, agás no caso do galardón decidido polo público, cuxa dotación económica é de 500 euros. En total, os Premios Youtubeiras repartirán 7.500 euros.
As finalistas ao premio canle son OU ké!, Cinema Caníbal e Toxío
As 18 propostas finalistas foron escollidas polo xurado de entre as 68 canles que se inscribiron para concorrer á edición de 2023 dos Premios Youtubeiras, cuxo lema desta edición é Rede aberta, Rede diversa! A esta cifra cómpre sumarlle os 24 vídeos propostos pola audiencia dixital para disputarse o Premio do Público. Os vídeos no seu conxunto, publicados entre novembro de 2022 e novembro de 2023 nas diferentes canles, superan os 32.480 novos minutos en galego subidos ao YouTube.
Seis finalistas aspiran a levar dous galardóns neste 2023: OU ké!, Toxío, Recuncho Gamer, Fica coa bola, Prado Rúa e Savia Nova
O palmarés dos Premios Youtubeiras darase a coñecer na xa tradicional gala de entrega, que se celebrará o vindeiro 17 de febreiro no Teatro Principal de Santiago de Compostela. A condución da gala, que en edicións anteriores recaeu en nomes destacados da música e da escena como son Tanxugueiras, A Panadaría, Iria Pinheiro ou Patricia de Lorenzo, darase a coñecer proximamente e a entrada será gratuíta, tras a retirada de convites.
O proxecto busca fomentar a creación en galego na rede e promover e visibilizar os diferentes perfís de persoas xeradoras de contidos
Youtubeiras é unha iniciativa organizada polos servizos de Normalización Lingüística de Ames, Carballo, O Grove, Moaña, Pontevedra, Ribadeo, Rois, Santiago de Compostela e Teo, da Deputación da Coruña e da Universidade de Vigo, da Universidade de Santiago e da Universidade da Coruña. O proxecto busca fomentar a creación en galego no YouTube con temáticas e formatos diversos, así como de promover e visibilizar os diferentes perfís de persoas xeradoras de contidos na Rede.
Finalistas por categoría:
Premio Canle
Premio Youtubeira
Premio Youtubeira Revelación
Premio Vídeo
- Seminario de Estudos Galegos, o centenario, de Prado Rúa
- Unha fin de semana en Londres, de Malva
- Derrubando xigantes, de Toxío
Premio Calidade Lingüística
Premio Pioneiro
Premio Rede
Premio do Público
