O vindeiro 15 de marzo coñecerase se a película dirixida por Óliver Laxe acada algúns dos galardóns. Terá a dura competencia da brasileira O Agente Secreto (Kleber Mendonça Filho) e a norueguesa Affeksjonsverdi (Valor sentimental, de Joachim Trier)
Sirât estará na alfombra vermella. Os Oscar deron a coñecer este xoves os finalistas para a 98ª edición do premio máis importantes do cine e o filme dirixido por Óliver Laxe optará finalmente a dous galardóns. Por unha banda, é candidato na categoría de mellor película internacional, na que competirá sobre todo coa brasileira O Agente Secreto (Kleber Mendonça Filho) e coa norueguesa Affeksjonsverdi (Valor sentimental, de Joachim Trier). Tamén son finalistas Un simple accident (Jafar Panahi) e a tunesina Sawt al-Hind Rajab (A voz de Hind, de Kaouther Ben Hania).
Os premios entregaranse o vindeiro 15 de marzo. É a primeira vez que un director galego ve como unha das súas películas opta a un Oscar. Non o terá doado o filme dirixido por Óliver Laxe ante as películas de Kleber Mendonça e Joachim Trier, finalistas en varias categorías, entre elas a de mellor película.
No apartados de mellor son Amanda Villavieja, Lola Casanovas e Yasmina Praderas acadaron o fito de converterse no primeiro equipo exclusivamente feminino en ser candidato nesta categoría
Pero Sirât tamén compite fóra da categoría reservada para as películas de fala non inglesa. O filme é finalista na categoría de mellor son, un apartado do que son responsables Amanda Villavieja, Lola Casanovas e Yasmina Praderas, que xa acadaron o fito de converterse no primeiro equipo exclusivamente feminino en ser candidato ao Oscar nesta categoría.
Neste apartado o filme dirixido por Óliver Laxe compite con Frankenstein, Sinners, F1 e Unha batalla tras outra, unha das favoritas a converterse da triunfadora da noite en varias categorías pois é, de feito, a segunda produción que suma máis finalistas.
A película dirixida por Paul Thomas Anderson opta a 13 premios, só por detrás de Pecadores (Sinners, de Ryan Coogler), que pode obter 16. Por detrás aparece Frankenstein de Guillermo del Toro. Outras producións destacadas que aspiran a se converter na mellor película do ano son Hamnet, de Chloé Zhao, e Marty Supreme, de Josh Safdie, ademais da xa comentada Valor sentimental, de Joachim Trier.
- 🟪🟧🟦 📺 EN VINTE | Vinte almorzando con Oliver Laxe nos Ancares
Sirât continúa coa senda de éxitos nos distintos premios cinematográficos. Un camiño que iniciou en maio co Premio do Xurado en Canne e que continuou nos Premios do Cine Europeo, con cinco galardóns, nos Globos de Ouro, con dúas nominacións. Ou nos Premios Goya, que se entregarán o vindeiro 28 de febreiro, e nos que o filme de Óliver Laxe opta a 11 galardóns.
