- 🔊EN VINTE | A derradeira temporada do Café Derby 21
Galiza, a voz que nos designa. A palabra de Luísa Villalta presidiu este sábado en Vigo o acto final dos Premios da Crítica de Galicia 2024. Con máis de catro décadas ás súas costas, as 70 persoas que compuxeron os dez xurados deron a coñecer os seus ditames nun acto conducido pola actriz Mariana Carballal e no que o pintor Antón Pulido recibiu unha homenaxe polo seu 80 aniversario.
No apartado de Creación Literaria o Premio da Crítica 2024 foi para Sonora, de Chus Pato. A obra xa galardoada co Premio Nacional de Poesía do Ministerio de Cultura é para o xurado unha "mostra de poesía expandida, mutante, emotiva e intelectual a un tempo, radical nas formas, profundamente suxestiva no contido, coherente cunha traxectoria en que a autora acompaña o devir da poesía galega até o século XXI".
Na área de Investigación en Ciencias e Tecnoloxía o premio foi para o traballo BMPR2, como novo xene de predisposición a polipose colorrectal hereditaria. Esta investigación, subliñan, implicou o descubrimento dun novo marcador que "pode axudar a predicir o risco dun cancro hereditario de alta prevalencia en Galicia" tras "aunar o esforzo" de persoal investigador de varios centros galegos. e mesmo estendendo o podcast a formatos presenciais".
Chus Pato, Nomes e Voces, Jaione Camborda, a Feira do Queixo de Friol ou o Café Derby 21, entre as persoas e proxectos distinguidos nuns galardóns que homenaxearon o pintor Antón Pulido no seu 80 aniversario
A investigación foi protagonista tamén no premio de Ciencias Sociais e Humanidades. O galardón recaeu nun proxecto que, en rigor, xa non existe pero segue dando froitos. Trátase de Nomes e Voces, a investigación interuniversitaria encabezada polo catedrático Lourenzo Fernández Prieto que, co impulso do Goberno galego de coalición (2005-2009), permitiu "recompilar unha copiosa información e ofrecer abundantes datos relativos ás vítimas". O xurado valorou "o seu carácter interdisciplinar cunha vertente de investigación, divulgación e transferencia á sociedade que ten un acceso libre e gratuíto á obra".
O programa Efervesciencia de Manuel Vicente en Iniciativas Culturais e Científicas; a Orquestra Vigo 430 en Música; Almudena Fernández Fariña en Artes Plásticas; Tanxarina en Artes Escénicas; Jaione Camborda en Cine e Artes Audiovisuais e a Feira do Queixo de Friol e Pan de Ousá en Cultura Gastronómica foron tamén distinguidos nuns Premios da Crítica que, no eido da cultura dixital, premiaron o pocast Café Derby 21 que, tras catro anos e máis dun cento de programas -a maior parte deles da man de VINTE-, finalizou o pasado xuño.
O xurado salientou do Café Derby 21 "a capacidade de ter acadado no seu tempo de existencia un espazo de relevancia e dinamización da cultura galega no mundo do podcast. Fíxoo, cren, "pola diversidade de perfís vencellados ás expresións culturais do momento, cun estilo fresco
