Está impulsado polos colectivos ESCUA (Espazo Cultural Autoxestionado) e A Bela Auria e busca apoiar e acoller propostas e proxectos de creadores individuais e a masa asociativa da cidade.
Iago Vázquez comeza a gravación e campaña de financiamento de 'O que hai que facer para non ir ao mar!', un percorrido histórico e emocional a través dos compañeiros de profesión dos seus pais, Tuto Vázquez e María José Mosteiro, figuras clave da escena galega.
O Consello da Cultura Galega dedica un ciclo de conferencias, que comezarán este xoves, a reflexionar sobre os procesos soberanistas abertos en Escocia e Catalunya, ou sobre o debate federal aberto no Estado Español, todo no marco da crise económica.
México, Sés, Muxía, Xaime Subiela ou Luís Suárez comparten protagonismo no novo número da revista que dirixen Manuel Rivas e Xosé Manuel Pereiro.
Sobre Ruínas, o máis recente poemario de Xesús Rábade Paredes, hai unhas semanas foi elixido o mellor libro de poesía en galego do 2013 polos lectores de Fervenzas Literarias. Ofrecémosvos unha breve escolma da obra.
O xornalista David Reinero inaugura a colección Libros de Praza & Meubook con Angrois. O AVE en anacos, un relato xornalístico que parte do accidente do Alvia para reflexionar sobre o actual sistema ferroviario galego. Os dous grandes partidos, advirte o autor, "pretenden taparse entre si" por mor dun medo "infundado" ás consecuencias políticas do sucedido.
Armando Requeixo preséntanos esta semana a edición galega de Pasaia blues, a novela coa que Harkaitz Cano sorprendeu en 1999, publicada por Hugin e Munin con tradución de Isaac Xubín. O autor estivo esta semana en Galicia presentando a obra, en Compostela, Pontevedra e Vigo.
O Xigante opta ao premio á mellor curtametraxe de animación, mentres que Breixo Corral e Pablo Alén son candidatos ao premio ao mellor guión orixinal por Tres bodas de más e Cristina Trenas compite no apartado de mellor dirección de fotografía por New York Shadows.